Jakosik1 mie nawiedziōła we piōntek ta idyjŏ2 połōnczynia tuńczyka ze ananasym i granatym. Robi sie tyn szałŏt blank wartko, ale tyn smak je richtich niypowtarzalny.
Co potrza?
1 bojtel3 miyszanki szałŏtōw (choć mogecie tyż dać uno jedna zorta)
poła biksy ananasa
poła abo i cały granat (yno, żeby to bōł owoc, a niy tyn do wybuchōw 😉 )
1 awokado
poła cebuli (nojlepi po pokrajaniu posypać jōm ździebko6 cukrym, dać trocha octu i na chwila odstawić)
dwie małe biksy tuńczyka
sok ze połowy citrōłny
dwie łeżki majōnezu
sōl i pieprz (na kery piyrwyj gŏdali: korzynie)
Szałołt zielōny wciepcie do miski, dociepcie tam pokrōnego ananasa, awokado, cebula, majs, odsōnczōnego tuńczyka. Zmiksujcie sok ze majōnezym, ôblyjcie szałŏt, dejcie tam trocha soli, korzyni i fertich. Smacznego 🙂
1jakoś
2pomysł
3woreczek
4puszka
5kukurydzy
6trochę
Dodaj komentarz