Hańdyk we bazyliowo-pistacjowyj zōłzie (Indyk w sosie bazyliowo-pistacjowym)




Tyn hańdyk (abo jakby to inksi1 padali2: puta) je richtich3 prosty we rychtowaniu4. Połra5 składnikōw6 sie wciepuje7 do gorka i fertich8, nawet niy idzie pedzieć9, że to je jake wynołkwiane10 danie, ale smak moł11 wyjōntkowy.

Co potrza?

1 kg piersi ze hańdyka

gorść12 listkōw bazyli

gorść pistacjōw

zōmbek czosku

3 łeżki whisky abo kōniaku

sōl i pieprz

330 ml śmietōnki (18%)

trocha mōnki do zagynszczynia zōłzy

Hańdyka posōlcie, popieprzcie, podpiyczcie ze wszyjskich strōn na leko natłuszczōnyj patelni i przeciepcie13 do brytfanki. Zagrzyjcie we jaki kelni14 abo gorczku15 trocha tego sznapsa16, podpołlcie17 i ôblyjcie miyso- dejcie sie pozōr18, żebyjście sie niy przipiykli. Jak sie zagasi19, to wlyjcie tam trocha wody, wciepcie bazylia, ôbrane pistacje, przikryjcie i niech sie to aby godzinka na małym ôgniu popykoł20. Niyskorzi21 wyciōngcie miyso, zmiksujcie zōłza i dejcie22 śmiytōnki (mogecie jōm pryndzyj23 trocha zahartować- dejcie dō ni połra24 łeżek ciepłyj zōłzy i zamiyszejcie). Terozki mogecie nasza zōłza zagrzołć, trocha ôdparować, a jak by Wōm sie ôna zdała trocha za rzołdkoł25, to mogecie sie rozfyrlać26 we jaki szolce27 we zimnyj wodzie trocha mōnki, wlołć28 do brytfanki i warzyć aż fajnie zgynstnieje. Dosmakujcie, wciepcie tam nazod29 miyso i fertich. Do tego idzie zjejś klōski, nudle30, ryż abo i co Wōm sie spodoboł. Smacznego 🙂

1inni

2powiedzieli

3naprawdę

4przygotowaniu

5kilka

6ō- samogłoska w wymowie między o i u

7wrzuca

8gotowe

9powiedzieć

10wymyślne

11ma

12garść

13przerzućcie

14chochli

15garnuszku

16alkoholu

17podpalcie

18uważajcie

19zgaśnie

20wolno pogotuje

21później

22dodajcie

23wcześniej

24kilka

25rzadka

26rozmieszać

27kubku

28wlać

29z powrotem

30makaron




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*