Szpajza malinowoł (Pianka malinowa)

Bez lato trza kōmbinować¹ take maszkyty², żeby niy trza³ bōło dō nich włōnczać bratruły⁴. Ta szpajza to je tak po prołwdzie⁵ barzi⁶ syrnik na zimno, ale mi te miano⁷ jakosić pasowało, a jeszcze jak sie jōm narychtuje⁸ we srogyj⁹ misce, to już normalno szpajza sie z tego robi. Mogecie jōm tyż dać do formy na torta- uważejcie, żeby Wōm niy wypłynōła- i wtedy baje¹⁰ richtich¹¹ syrnik na zimno.

Co potrza?

30 dkg malin

600 ml syrka waniliowego

300-400 ml śmiytōnki

3 łeżki żelatyny

2 łeżki cukru

pakyt¹² ôkrōngłych biszkoptōw

Maliny przetrzyjcie bez sitko- ôstołwcie¹³ połra do strojynia. Te ziorka¹⁴, kere¹⁵ ôstały na sitku, wciepcie¹⁶ do jakego gorka, dolyjcie trocha wody (pó¹⁷ szklōnki) i uwołrzcie¹⁸. Keby maliny bōły kwajśne, to mogecie dociepnōńć 2 łeżki cukru. Jak sie to chwila powarzi¹⁹, przecedźcie tyn „kōmpot”, zawarzcie jeszcze rołz i ôzpuśćcie²⁰ w nim żelatyna. Śmiytōnka ubijcie, dociepcie syrek, przetarte maliny i ochōdzōnoł²¹ żelatyna. Pomiksujcie to dobrze cuzamyn²² i narychtujcie sie jako miska abo forma. Poukłołdejcie tam warstwami biszkopty, poprzelywejcie masōm, postrojcie i fertich²³. Kebyjście chcieli to dać do tortownicy, to lepi niech już ta masa napocznie trocha tynżeć, żeby sie niy wyloła. Jak już leko stynżeje, to niy bydōm nōm tyż wypływać biszkopty. Wszyjsko zależy, wiela mołcie czasu i jako kōncepcja. Na kōniec trza to na połra²⁴ godzin dać do lodōwki, a potyn już yno maszkycynie. Smacznego 🙂