Placki ze bani i pasternaku (Placki dyniowo-pasternakowe)




Pasternak jedli już nasze pra-pra ōłpy1, potyn trocha ôstoł2 zapōmniany, a terozki3 zajś4 idzie go znojś5 we sklepach. Niyrołz6 trocha cyganiōm7 i sprzedowajōm go zamiast pietruszki- rōżniōm sie tym, jak wyrołsto nać: u pietruszki szyroko, a w pasternaku barzi8 wōnsko. Je ôn słodszy ôd pietruszki i moł9 kans10 dobrych składnikōw i skuli11 tego werci12 sie go jejś. Joł żech go połōnczōł ze baniōm, indyjskimi prziprawami i wylołz13 z tego richtich14 fajny miszōng.

Co potrza?

2 wiynszke korzynie pasternaku

poła15 bani hokkaido (niy trza ji ôbiyrać)

małoł cebula

2 zōmbki czosku

1 jabko

2 jajca

4 łeżki kartofylmyjlu16

sōl i pieprz

2 łeżeczki garam masala*, a jak niy bydzie sie Wōm chciało ji17 rychtować18, to mogecie dać i miyszanki curry

ôlyj do smażynioł

Pasternaku żech niy ôbiyroł, yno wyszorowoł, bo tam w tyj skōrze je tyż kans dobroci. Bania, pasternak, cebula i jabko żech star19 na nojmańszym tarle- joł je zgniōły20 i żech zagōniōł do roboty robota kuchynnego. Do tego żech wycisnōł czosnek, wciep jajca, kartofylmyjl, prziprawy i fajnie to wymiyszoł. Na patelnia doł żech trocha ôleju i piyk małe, ciynke placki. Ta masa je tako barzi suchoł (niy jak przi kartoflanych) i mogōm sie trocha rozlatywać przi smażyniu, ale niy ma sie co tym przejmować. Jak sie fajnie przibrōnołcōm21, to sie mogecie brać za jedzynie- dobrze smakujōm ze jogurtym, szłoby sie do tego tyż zjejś apfylmusu albo przi pieczyniu wciepnōńć na wiyrch trocha syra. Smacznego 🙂

*Garam masala to we jynzyku hindi znaczy gorke22 prziprawy i tak sie je tyż rychtuje- na gorko i bez to łone potyn tak dobrze czowieka rozgrzywajōm. Takoł miyszanka mogecie sie narychtować sami. Zrōbcie sie ji wiyncyj, a bajecie23 mieć jōm24 na dugo.
Na patelnia wciepcie:
6 łeżek pieprzu, 5 łeżek kminu rzymskego, 2 łeżki cynam
ōnu, 1,5 łeżki goździkōw, 2,5 łeżki kardamonu, 6 łeżek nasiōn kolyndry, 2 łeżki pokruszōnych bobkowych25 liści i   łyżeczka zmielōnyj gałki muszkatołowyj. Podpiyczcie ze 30 sekund na średnim łogniu i łodstołwcie do ochōdzynia.26 Tera zmielcie i zawrzyjcie27 w jaki krauzce.28 Niech Wōm dugo pomołgo29 we warzyniu.

1ō- samogłoska w wymowie między o i u; dziadkowie

2ô= ło; został

3teraz

4znów

5znaleźć

6czasem

7oszukują

8bardziej

9ma

10dużo

11z powodu

12opłaci

13wyszedł

14naprawdę

15połowa

16mąki ziemniaczanej

17jej

18przygotowywać

19starłem

20leniwy

21przypieką

22gorące

23będziecie

24

25laurowe

26ostudzenia

27zamknijcie

28słoiczku

29pomaga




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*