Makrōłny ze hazylnisōw (Makaroniki z orzechōw laskowych)




Jak czytołcie ô makrōłnach1, to na zicher2 we gowie mołcie3 te ôdpustowe ze tartyj bōłki, kere yno4 arōmatym majōm nōm przipōminać ô mandlach5. Take ze prawdziwymi mandlami żech już robiōł i bōły tak dobre, że sie czowiek pomyśloł, że takim jedzyniym to na zicher muszōm futrować6 we niebie. A terozki7 ôrzechy laskowe- jak żech sie pytoł moji ciotki, jak ôni piyrwy8 na nie gołdali, to mi pedziała, że hazylnisy. Sōm take sztele9 na Ślōnsku, kaj sie gołdo na nie lyskowe, ale te modsze pokolynie to już jednak barzi10 idzie w strōna tego polskigo miana11. Te makrōłny sōm wyraźne we smaku, kojarzōm nōm sie ze szokoladōm i świyntami, a do tego sōm jeszcze fajnie chrupiōnce.

Co potrza?

4 biōłka

100 g cukru

200 g mielōnych ôrzechōw laskowych

ździebko12 soli

Biōłka ze ździebkym soli i cukrym ubijcie na sztywno. Potyn pomału wmiyszejcie do tego ôrzechy. Rozgrzyjcie sie bratruła13 na 160 stopni. Mogecie ta masa dołwać na ôblaty- take małe opłatki albo dołwejcie sie jōm łyżkōm na papiōr do pieczynioł. Jak już bajecie fertich14, to wrojście to do bratruły na 20-25 minut, żeby sie leko przibrōnołciōły15. Bydōm chrupiōnce z wiyrchu i miynke driny16… smacznego 🙂

1ō- samogłoska w wymowie między o i u

2na pewno

3macie

4które tylko

5migdałach

6karmić

7teraz

8dawniej

9miejsca

10bardziej

11nazwy

12szczyptę

13piekarnik

14gotowi

15przypiekły, zarumieniły

16w środku




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*