Chop prōbuje: Syr owczy i kozi




Rajzujymy1 po cołkim2 świecie i smakujymy: a to syr taki, a to jakiś barzi3 wynołkwiany4, a niyrołz5 taki blank6 ajnfachowy7 tak nōm zasmakuje, że jeszcze miejsiōnc niyskorzi8 pamiyntōmy, jak smakowoł. Syr owczy zawsze mi prawie sōm skokoł9 do gymby10– i niy idzie mi sam yno11 o oscypka, a tego na zicher12 wszyjscy znajōm. Te hiszpańske prōbowołech na miejscu i bōły richtich13 dobre, Pecorino romano może żejście przegryzali przi fōntannie di Trevi, żałuja, że żech niy sprōbowoł we Szkocji tych ichniyjszych14, ale wszyjsko przedy mnōm.

Syr kozi to już trza lubić, ta kwaskowatojść niyftorych może odciepować15, a jo sōm wiym, że za kans16 niy moga go zjejś.

To, co sam przedstawiōm, mogecie sie kupić za niy za dużo piniyndzy we Biedrōnce i Lidlu. Tyn syr hiszpański moł we zestawie syr owczy, kozi i miyszany, a syry ze Światowida idzie znojś we Biedrōnce.

Syr Waga i cyna Kōnsystyncja i smak Ocyna (1-5)
Światowid

Ser owczy

160 g

7,99 zł

Niy za miynki i niy za twardy, delikatny, leki17 ôrzechowy posmak, leko pikantny, dojś słōny 5
Światowid

Ser kozi

160 g

7,99 zł

Kōnsystyncja podobno jak we tym owczym, delikatny, ale ze lekim kwaskowatym posmakym, kery je charakterystyczny dlo syrōw kozich. 5
Bluedino

Tapas de queso:

Queseo Iberico- miyszany owczy, krowi i kozi

Queso de cabra- syr kozi

Queso Manchago- syr owczy

150 g

10.99 zł

Wszyjske majōm podobno kōnsystyncja, sōm leko twardsze niż te polske, a smak?

Iberico je delikatny, ze ôrzechowym posmakym, śmiytankowo-maślany.

Queso de cabra- delikatny, leko kwaskowaty, ôstrzyjszy, ale fajnie śmiytankowy.

Queso manchego- mani słōny niż tyn polski, delikatniyjszy, aksamitny, wyraźny smak, ale mani ostry.

5

1podróżujemy

2całym

3bardziej

4udziwniony

5czasem

6całkiem

7prosty

8później

9skakał

10ust

11tylko

12na pewno

13naprawdę

14tamtejszych

15odrzucać

16dużo

17lekki




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*