To je chyba nojbarzi1 klasyczny syrnik, jaki idzie narychtować. Kruchy spodek, syr, trocha piany i na sōm wiyrch2 zajś kruche. Dojś wartko się to robi, ale takego smaku sie niy zapomino.
Co potrza?
Kruche:
2 szklōnki mōnki pszynnyj
125 g masła
2 łeżki śmietōnki
2 żōłtka
0,5 szklōnki cukru
1,5 łeżeczki proszku do pieczynioł
Syr:
1 kg syra (moge być ze wiaderka)
0,5 szklōnki oleju
0,5 szklōnki mlyka
5 żōłtek
1 szklōnka cukru (choć mogecie dać tyż tak 2/3 szklōnki)
2 pudingi
2 gorście rodzynkōw- nojlepi moczōnych bez noc we rumie; a jak fto niy lubi, to moge wciepnōńć do syra pokrōne morele abo żurawina
Piana:
biołka (tu ich bydzie 7)
0,5 szklōnki cukru
Składniki kruchego wciepcie do miski i fajnie wyrōbcie. 2/3 wyłōżcie na spodek prostokōntnyj blachy, a 1/3 wrojście3 na chwila do lodōwki.
Składniki syra wymiyszejcie i wyłōżcie na kruche. Terozki przidzie ubito ze cukrym piana, a na samoł gōra potarte na rubych ôczkach kruche.
Bratruła łozgrzyjcie na 180 stopni i wrojście tam tyn syrnik na godzina- dowejcie pozōr, żeby sie niy przipołlōł. Ajnfachowe? Ale tego smaku niy pożałujecie. Smacznego 🙂
1najbardziej
2górę
3wyłóżcie
Cześć, ja sernik zawsze robię z masłem. Ale ze Cię lubię, to zrobię raz z olejem ?
🙂 Masło jest w kruchym 😉
Jutro upiekę bo wydaje się, że dam radę Dzięki za przepis.
Dzięki za przepis, upiekę na święta. Zdrowych, rodzinnych, bezpiecznych i szczęśliwych świąt życzę.
Dziękuję i wszystkiego dobrego 🙂