Kyjksy makōwkowe (Ciasteczka makówkowe)

Korciōło mie, żeby upiyc take kyjksy, kere¹ by miały wszyjsko to, co majōm makōwki². I nawet mi sie to udało. Mak jest, mandle³ sōm, rodzynki sōm, je mōnka i jajco, a to prawie jak bōłka i mōmy sam masło, a ône przeca⁴ je ze mlyka. Idzie pedzieć, że to take makōwki na wynos 😉

Co potrza?

3 żōłtka

1 szklōnka maku (około 100 g)

1 szklōnka pomelanych⁵ mandli

1 szklōnka mōnki pszynnyj

pó szklōnki cukru

100 g masła

2 gorści rodzynkōw (zamoczōnych pryndzyj⁶ we rumie abo jakim likerze migdałowym)

łeżeczka proszku do pieczynioł

Pomelany mak żech nojprzōd doł⁷ na chwila na patelnia, żeby sie tak trocha poprażōł; masło żech łozpuściōł⁸ we gorczku. Potyn żech miksowoł żōłtka ze cukrym, potyn do tego jeszcze prziszło masło, a jak już cuker bōł dojś łozpuszczōny, to żech tam wciep reszta składnikōw. Jak już to bōło fajnie łozrobiōne⁹, to żech to łozkuloł¹⁰ na ciynki placek i keliszym żech robiōł te kōłka.

Bratruła łozgrzołech na 180 stopni. Kyjkse wrajziōł żech tam na 8-10 minut. Dejcie pozōr¹¹, żeby sie Wōm niy przipołlōły¹², bo jo musza Wōm pedzieć, że żech sie przi piyrszyj blasze trocha zalelkoł¹³ 😉 I to by bōło na tyla roboty, terozki już styknie mi pedzieć¹⁴: Smacznego 🙂