Nolywka z kwiołtkōw maku (Nalewka z płatków maku)

Łajziōł¹ żech na wiosna po polach i te maki polne tak gryfnie² wyglōndały, że aże mie korciōło³, żeby coś ś nich⁴ narychtować⁵. A że lubia wynołkwiać⁶ roztomajte⁷ nolywki, to żech sie za nia wziōn⁸. Farba ôd ni je richtich⁹ fajnie czerwōno, a we smaku idzie delikatnie wyczuć mak, trocha goryczki, kero je przełōmano słodyczōm, a nad tym wszyjskim lołce¹⁰ smak limōnki.

Na trołwiynie po makōwkach we Wilijoł¹¹ sie przido 😉

Co potrza?

litrowo krauza¹² płatkōw ze maku

halba¹³

2 łeżki cukru

niypołno szklōnka wody

sok ze jednyj limōnki

Nojprzōd trza te płatki zalołć¹⁴ gorzołkōm¹⁵ i łostawić¹⁶ na 1-2-3… tydnie- przi nolywkach na tym piyrszym etapie to nojlepi ô nich na chwila zapōmnieć 😉

Potyn przecedźcie te płatki, możno je tyż wycisnōńć bez jako szmatka abo gaza. Sznaps wlyjcie do jaki flaszki, a płatki wciepcie do gorka, wlyjcie tam woda, dejcie cuker i 3 minuty to pod pokrywkōm powołrzcie¹⁷. Potyn wyłōnczcie i jak sie ochōdzi¹⁸, to zajś trza to przecedzić, połōnczyć tyn wywar z tym, kery my zlołli nojprzōd¹⁹, przelołć do flaszki, dolołć sok i… zajś²⁰ na połra²¹ tydni ô tym zapōmnieć , a potyn to już yno… smacznego 🙂