Nolywka ze kwiŏtkōw holōndra (Nalewka z kwiatów dzikiego bzu)

Chopy, kebyjście chcieli zrychtować¹ Waszym Kobiytōm/Ōłmōm²/Mutrōm³/Frelōm⁴/Libstōm⁵… jaki gyszynk⁶, to ta nolywka bydzie idealnŏ. A jak ji sie potyn szlukniecie⁷ we listopadzie, to bydzie tak, chobyjście sie polŏłtali⁸ bez lato po łōnce⁹ 😉

Co potrza?

litrowoł krauza¹⁰ kwiołtkōw holōndra

2 szklōnki gorzołki¹¹

0,5 szklōnki szpyrytusu

1,5 szklōnki wody

4 łeżki cukru

sok ze jednyj citrołny¹²

Pozbiyrejcie kwiŏtki holōndra, potyn je połōżcie na jaki bioły papiōr, żeby ś nich pouciekały chrobołki¹³. Mogecie je tyż leko opōkać wodōm. Potyn wciepcie je do krauzy i zalyjcie wymiyszanōm pryndzyj gorzołkōm ze szpyrytusym. Tera trza ô nich zapōmnieć, a jak Wōm sie za pŏra tydni spōmni¹⁴, to slyjcie te procynty do jaki flaszki, kwiŏtki wciepcie do gorka, dejcie tam cuker, zalyjcie wodōm i niech sie to trocha powarzi (choć nojlepi, bez wrzynia, żeby niy pouciekały inksze skłŏdniki).

Przecedźcie tyn wywar, pomiyszejcie ze tymi zlōnymi procyntami, wciście tam sok ze citrōłny i zajś trza by to odstawić, żeby sie przegryzło 😉 A potyn już yno… prost! 🙂