Placki ze biołego syra (Placki z twarogu)

Moja cera1 sucho ôd jakegosik czasu bojki2 ô kocie we szczewikach3 i tam we Krōlestwie Pulpecji (już nawet niy wiym, ftoro wersja tyj bojki to je) jōm4 pulpety syrowe ze cimtym5. Tak mie to zainspirowało, że żech chcioł narychtować cojsik podobnego. Kōniec kōńcōw karminadle6 mi z tego niy wyszły, bo masa bōła trocha za rzołdko, ale za to okołzała sie idealno na placki. To je taki recept7 dlo tych, kerzy akurat szporujōm8. Chrupiōnco skōrka, leko słodke, cimtowy syr… wmōciyli9 my je raz-dwa 😉

Co potrza?

250 g przepresowanego10 biołego syra

1 jajco

żymła11 wymoczōno we mlyku

4 łeżki tartyj bōłki

2 łeżki mōnki ze majsu12, ale mogecie tyż dać kartoflanyj13

1-2 łeżki cukru (joł żech doł brōnołtnego14 yno łeżka)

łeżeczka cimtu

olyj do smażynia

Wszyjske składniki wciepcie15 do miski i wymiyszejcie. Łozgrzyjcie patalnia, kapnijcie na nia trocha oleju i jak sie łozgrzeje, to nakłodejcie tam naszyj masy na placki. A jak już sie fajnie przibrōnołcōm16 ze kołżdyj strōny, to sie biercie za jedzynie. Smacznego 🙂

1córka

2bajki

3butach

4jedzą

5cynamonem

6pulpety

7przepis

8oszczędzają

9zjedliśmy

10przeciśniętego

11bułka

12kukurydzianej

13ziemniaczanej

14brązowego

15wrzućcie

16przypieką

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*