Gulasz choby po szegedyńsku (Gulasz jakby po szegedyńsku)




Joł1 wierza, że sōm2 Ślōnzołki take jak joł, co to lubiōm rajzować3 i prōbować roztomajtych4 kuchniōw ze cołkego5 świata. Tyn gulasz to je tako wariacja na tymat kuchni ze Wyngrōw.6 Robiōłech go już połra7 razy i zawsze gościōm smakowoł. Niyftorzi gołdali, że to taki trocha inkszy8 bigos i cojś w tym je, bo przeca9 je tam kiszōnoł10 kapusta, ale połōnczynie ji11 ze ananasym i śmiytōnkōm dołwo12 już całkym inksze doznania smakowe- jak to niyftorzi gołdajōm.

Co potrza?

500 g miysa13 wołowego (moge14 być ligawa)

500 g cebuli

500 g śmietōnki (12 abo 18%)

250 g wyndzōnki15

0,5 świyżego ananasa

500 g kiszonyj kapusty

0,5 szklōnki łoleju16

połra łeżek masła klarowanego

2 zōmbki czosku

2 łeżki kōncyntratu ze tōmatōw17

1 szklōnka buliōnu wołowego

lampka czerwōnego wina

1-2 łeżki sezamu

trocha mōnki18

Prziprawy:

1 łyżeczka słodki papryki

1 łyżeczka ostryj papryki

1 łyżeczka tymianku

1 łyżka kminku

sōl i pieprz

Ananasa łobiercie- nojlepi nojprzōd oberznōńć19 gōra i dōł, poty postawić go i obrzinać boki. Jak żejście już fajnie oczyściyli boki, to mogecie go przerznōńć na pó20 i wyrznōńć tyn twardy środek. Ta poła,21 co jōm weznymy do gulaszu, pokrejcie we kostka. Taki świyży ananas je tak dobry, że ta drugo połowa to sie zarozki22 straci23– no, chyba że mołcie pusto chałpa24i żołdyn25 Wōm niy zaglōndo do kuchni 😉

Podpiykejcie nojlepi wszysko na patelni, a potyn przeciepujcie26 do jakego srogego27 gorka. Nojprzōd pokrōno28 wyndzōnka, potyn na łoleju pokrōno we kosteczka wołowina, potyn na maśle klarowanym zeszklijcie trocha cebula i czosnek (nojlepi przeciśniynty). Wszysko wciepnijcie do gorka, dodejcie ananasa, kōncyntrat i prziprawy i niech sie to trocha podusi. Potyn kapusta (keby29 bōła30 mocno kwaśnoł, to mogecie jōm przepōkać31), a za chwila wlyjcie buliōn i niech sie to dusi, aże miyso baje miynke32. Na kōniec wlyjcie tam wino, śmiytōnka i doprowłcie sie to do smaku. Tera mogecie upranżyć trocha sezam i posuć33 nim tyn gulasz na talyrzu, zanim go dołcie34 na stōł. Smacznego 🙂

 

Gulasz choby- małe

1ja

2

3podróżować

4różnych

5całego

6Węgier

7kilka

8inny

9przecież

10kiszona

11jej

12daje

13mięsa

14może

15boczku wędzonego

16oleju

17pomidorów

18mąki

19obciąć

20połowę

21połowa

22zaraz

23zgubi

24dom

25nikt

26przerzucajcie

27dużego

28pokrojoną

29gdyby

30była

31przepłukać

32będzie miękkie

33posypać

34położycie




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*