Gibki szałołt ze paluszkami krabowymi (Ekspresowa sałatka z paluszkami krabowymi)




Niyrozki1 trza cojśik na szybko narychtować, bo idzie bezuch2 abo dōmownicy3 ze godu4 już sie ciepjōm5 na kit we łoknach6….sztop,7 sztop, przaca takich łoknōw to już tera prawie żodyn niy mo, a jedzynie tych gumowych uszczelek mogłoby być dlo zdrowia dużo gorsze niż niyjedyn fastfood. Niy ma co wymyślać, mocie8 gōd, a niy mocie czasu, to sie szczelcie9 gipki szałołt 😉

Co potrza?

10 bojtla11 ryżowych nudli

1 bojtel paluszkōw krabowych

1 łogōrek12

1-3 zōmbōw czosku13 (zależy łod14 tego, jak lubicie tyn smak i jako mołcie wōntroba)

połra łeżek majōnezu

trocha pokrōnyj15 natki pietruszki

pieprz i sōl

Nudle połōmcie16 na mańsze17 kōnski, zalyjcie w jakim garcu wrzōntkym, przikryjcie i biercie sie za krajanie. Paluszki krabowe (rozmrożōne) łobiercie18 ze papiōra,19 we ftory sōm20 zawiniynte i pokrejcie na 1 cm kōnski.21 Łogōrka we kosteczka i krajanie fertich.22 Wciepcie paluszki i łogōrka do jaki miski, dodejcie łodcedzōne23 nudle i wyciście tam czosnek. Majōnezu na poczōntek mogecie dać ze 2-3 łeżki, a keby Wōm bōł tyn szałołt potyn za gynsty, to mogecie go jeszcze dociepnōńć.24 Tera yno jeszcze to trocha dosmakujcie wszysko pieprzym i solōm, posypcie pietruszkōm i fertich. Smacznego 🙂

Gibki szałołt ze paluszkami krabowymi- małe

1czasem

2goście

3 ō- samogłoska w wymowie między o i u

4głodu

5rzucają

6oknach

7stop

8mają Państwo

9strzelcie

10pół

11torebki

12ogórek

13czosnku

14od

15pokrojonej

16proszę połamać

17mniejsze

18obierzcie

19papieru

20

21kawałki

22gotowe

23przecedzone

24dorzucić




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*