Kura we trołwie (Kurczak z trawą cytrynową na modłę tajską)

O tym, że Chop lubi eksperymynty, to już chyba wiycie. Ta kura prziszła do mie tak od samojści, jak żech we jednym sklepie na tydniu oriyntalnym znołd trołwa citrōłnowo. Noprzōd żech znoł yno suszōnoł, ale ta świyżo niy moł z niom porównania: delikatny smak, a do tego tak fajnie chrupie. Te danie robi sie szybko, a mlyko kokosowe (w tym sklepie na „L” je za niycałe 5 złoty- niy ma co przepłacać) doł wszyskymu słodkojści i wejźnie Wołs w dalekoł rajza1… chyba aż do samyj Tajlandii.

Co potrza?

1 kg kurczaka (mogōm być piersi abo filety ze podudziōw)

1 cebula

1-2 zōmbki czosku

puszka mlyka kokosowego

czerwōnoł papryka

0,5- 1 szklōnki zielōnego mrożōnego groszku

2 łodygi trołwy citrōłnowyj

trocha chili, pieprzu i soli

kapka oliwy

troszka masła klarowanego

połra listkōw kolyndry

Kurczaka sie podpiyczcie na patelni- ale niy dołwejcie za kans2 tego masła, żeby Wōm niy pryskało. We jakim wiynkszym gorku na kapce oliwy sie zeszklijcie cebula i czosnek. Wciepcie tam podpieczōnego kurczaka, pokrōnoł papryka i trołwa citrōłnowo. Za jake pó3 minuty wciepcie groszek, wlyjcie mlyko, dejcie prziprawy i niech sie to trocha podusi. Jak groszek i papryka bydōm miynke, mogecie sie to jeszcze dosmakować, wciepnōńć na wiyrch trocha pokrōnyj kolyndry i biercie sie za jedzynie. Takoł kura moge być dobroł ze ryżym, ale tyż ze nudlami abo i jakōm bōłkōm. Smacznego 🙂

Kura we trołwie2-małe

 

1podróż

2dużo

3pół

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *