Pizza ze cukiniōm (Pizza z cukinią)

Niyftorzi zajś pedzōm1: co to łon sie normalnyj pizzy narychtować2 niy poradzi, yno cały czołs3 musi tak wynołkwiać?4 😉 Dyć joł wiym, że pizza ze szinkōm, keczupym i syrym to nawet małe bajtle umiōm zrobić, a joł zajś bych chcioł Wołs nakusić na eksperymynty. Tyn mōj je delikatny, ale arōmatyczny, a jak sie do tyj chopowyj pizzy jeszcze napijecie keliszek dobrego biołego wina, to wieczōr bydzie udany 😉

Co potrza?

Ciasto na jedna łokrōngłoł pizza:
1 szkl
ōnka mōnki pszynny ( od 405 do 600- numer na pakiecie)
1/3 szkl
ōnki mlyka
1 dkg drożdży
trocha soli
5 łeżeczki cukru
2 łeżki oliwy

Wiyrch6:
1 małoł cukinia

pó wyndzōnyj piersi ze kurczaka (abo jedne udko)

15 dkg mozarelli abo tartego żōłtego syra

połra gałōnzek natki pietruszki 


Z
ōłza:

pó awokado

1 tōmata7

trocha chili, pieprzu, soli i bazylii

 

Na wiyrch po upieczyniu:

pó łeżeczki orygano8

 

Mōnka przesujcie9 do jaki miski- mogecie jōm tyż przesiołć. Na pośrodku zrōbcie dziura i wlyjcie dō ni letnie mlyko, dejcie cuker i pokruszcie drożdże. Tera odstołwcie to na 10-15 min., coby te drożdże zaczły robić. Joł włōnczōł na chwila piekarnik (bratruła) na 50 stopni i jak sie leko rozgrzoł, to dołem tam ta miska, bo tam lepi te ciasto rośnie.
Niyskorzi dejcie do tyj miski trocha soli, 2 łeżki oliwy i wyr
ōbcie jednolite ciasto- keby sie za kans10 klejōło, to mogecie jeszcze dosuć11 trocha mōnki. Tera zajś trza je łodstawić i to tak na aby 40 min.
Jak już n
ōm fajnie urosło, to sie wejście12 nudelkula13, posypcie na stolnica abo blat trocha mōnki i rozkulejcie sie ta pizza na łokrōngło. Tera idzie sie domyśleć, że zajś jōm na chwila dōmy we ciepłe miejsce.
Tera mołcie czas na z
ōłza. Łobrane awokado, tōmata bez skōry i prziprawy wciepcie do blyndera, włōnczcie… i po robocie- no dobra, mogecie sie to jeszcze dosmakować.

Cukinia pokrejcie na duge ciyńke połski14 abo we ajnfachowo15 kostka, kurczaka na małe kōnseczki. Syr zetrzijcie.16 I rozgrzyjcie piec na 225-230 stopni.

Jak już te ciasto nōm trocha podrojśnie, to posmarujcie je narychtowanōm zōłzōm, na wiyrchu pociepejcie cukinia i kurczaka, a na to wszysko jeszcze syr i do pieca na 15-20 minut. Yno dejcie pozōr, żeby sie Wōm ta pizza niy przipołlōła, bo te bratruły to lubiōm robić wice17. Jak sie fajnie przibrōnołci, to jōm wyciōngcie, posujcie po wiyrchu orygano i smacznego 🙂
Pizza ze cukiniom-małe

1znów powiedzą

2potrafi

3czas

4wydziwiać

5pół

6góra

7pomidor

8oregano

9przesypcie

10mocno

11dosypać

12proszę wziąć

13wałek do ciasta

14paski

15zwykłą

16zetrzyjcie

17dowcipy

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *