Cukinia ze wyndzōnkōm i daktylōma (Ot,co ;) )

Jedyn chop mie przerobioł, co bych pisoł barzi po ślabikorzowymu¹ i dzisiej sprōbuja² sam wciś³ zamiast ło- ô i ôbejrzymy, jak sie Wōm to baje⁴ czytać.

A na tyn ajnfachowy⁵ recept⁶ żech prziszoł po tym, jak nasza- moja i ôd moji Baby- modoł⁷ kōmratka⁸ ôsprawiała nōm wczora ô swoji rajzie⁹ do Korei Południowyj i ô tym, że ôni tam wszysko jedzōm ze cukrym. Gołdała tyż, że jadła tam cukinia na słodkoł- ze czym, to nie wia¹⁰, ale żech prziszoł¹¹ bez to na tyn recept. Czasu na warzynie niy bōło wiela i chciołech, żeby bōło tam tyż co kōnkretnego… i tak żech prziszoł na wyndzōnka¹², a że we byfyju¹³ miołech daktyle, to sie z tego zrobiōł taki oriyntalny ôbiołd.

Co potrza?

tak ze 500 g cukini

150 g wyndzōnki

100 g daktyli

ździebko chili

sōl i pieprz

Pokrajanoł we kosteczka wyndzōnka wciepcie na patelnia i podpiyccie¹⁴. Daktyle pokrejcie na mańsze kōnski i dociepcie do wyndzōnki. Na sōm kōniec dociepcie tam pokrōno cukinia i prziprawy. Jak cukinia zmiynknie, to jedzynie mołcie fertich¹⁵. Smacznego 🙂