Tarta ze śliwkōma (Tarta ze śliwkami)

Niy dojś¹, że śliwki sōm² dobre we smaku, to jeszcze majōm kans³ fetaminōw⁴: magnez, potas, żelazo i inksze⁵, ale- co dlo niyjednego je nojważniyjsze- sōm richtich⁶ dobre na trołwiynie⁷. I żech sie tak pomyśloł, że jak tera mōmy jeszcze na nie sezōn, to trza to wykorzystać. Receptōw⁸ na take ciasta je połno, ale joł żech sie pomyśloł, że zrobiymy sie tarta, bo niy dojś, że fajnie smakuje, to tyż gryfnie⁹ wyglōndo¹⁰ na stole. Ludzie sie trocha takich tartōw bojōm¹¹, bo sie naczytali inkszych receptōw, kaj im kołżōm robić jōm bez połra godzin, a potyn jeszcze przipiykać ze fandzołlōma¹²… joł je na to za zgniōły¹³, ale bez to moja tarta mōgłaby niyjednego profesjōnalnego cukernika doprowadzić do hercszlagu¹⁴ 😉

Co potrza?

Spodek:

200 g mōnki¹⁵ pszynny

125 g masła

3 żōłtka

3 łeżki cukru

ździebko¹⁶ soli

kapka¹⁷ arōmatu mandlowego¹⁸

Pianka:

3 biołka¹⁹

4 łeżki cukru

2 łyżeczki kakao

Wiyrch²⁰:

500-800 g śliwek (nojlepi wyngierek)

20-50 g płatkōw ze mandli

Rozgrzyjcie piec (abo i bratruła 😉 ) na 200 stopni. Wszyske składniki spodka wciepcie²¹ do jaki miski i wyrōbcie. Tera niy bydymy tego dołwać do żołdnyj²² lodōwki, yno zaroz wyklejymy tym forma na tarta. Kebyjście chcieli, to mogecie tyż te ciasto sie rozwałkować miyndzy dwōma papiōrōma do pieczynioł, a potyn yno przeciepnōńć je do formy. Wrojście²³ je do pieca na 15 minut, żeby sie yno leciutko przibrōnołciōło²⁴.

Bez tyn czas, jak łone je we bratrurze, to sie ôbiercie²⁵ śliwki i zrōbcie piana- ubijcie biōłka ze cukrym, a potyn wciepcie tam kakao i fajnie wymiyszejcie.

Na podpieczōny spodek wyłōżcie ta szokoladowoł²⁶ piana, a na ni poukłołdejcie²⁷ śliwki- jak na ôbrołzku²⁸.

Zmniyjszcie sie we piecu tymperatura na 180 stopni i na 20 minut wrojście tam nasza tarta. Potyn jōm wyciōngcie²⁹, po wiyrchu posujcie płatkōma mandli i wrojście do bratruły jeszcze na 10 minut.

Tera łostało Wōm już yno degustowanie… smacznego 🙂