Abgeryjta ze baniōm (Babka dyniowa)

Eksperymynty ze roztomajtymi abgeryjtami ze baniōm1 robiōłech bez połra dni, wyszło z tego jedne ciasto bezglutynowe, druge… trocha mani2 udane, ale za to te trzecie, ô3 ftorym sam byda pisoł, to je richtich4 cojsik do pomaszkycynia5. Moja Ōłma6 za starego piyrwy7 robiōła ze bani kōmpot (za bajtla8 mie ôn tak za kans9 niy smakowoł), dołwała10 tam tyż gojździkōw11 i joł chcioł jakosik tym receptym prziwołać te stare smaki. Niyftorzi pedzōm12, że abgeryjta (abo zista) to je yno take blank13 ajnfachowe14 ciasto bez żołdnych inkszych15 dodatkōw, ale ci, co już sam połra16 receptōw17 czytali, wiedzōm, że Chopowi w kuchni niyrołz18 sie miyrznie19 i potyn wynołkwio20 😉

Co potrza?

25 dkg potartyj- na małych ôczkach- bani (jakbyjście dali bania hokkaido, to nawet niy musicie ji nojprzōd ôbiyrać)

skōrka ôbtarto ze 2 citrōłnōw21

4 jajca

0,5 kostki masła (100 g- no chyba, że ftojś to baje22 robiōł we Niymcach, to moge dać mańsze pó23; ôni tam majōm wszysko24 wiynksze… nawet masło: 250 g 😉 )

zaft25 ze poły citrōłny

pó łeżeczki zmielōnych gojździkōw

2 szklōnki mōnki pszynny

1 łeżeczka proszku do pieczynia

1 łeżeczka sody ôczyszczōnyj

3/4 szklōnki cukru

0,5 szklōnki ôleju

Na wiyrch26:

zaft ze poły citrōłny

pudecuker

Nojprzōd27 rozgrzyjcie sie bratruła28 na 180 stopni. Jajca ubijcie ze cukrym, potyn wciepcie29 reszta składnikōw, porzōndnie wymiyszejcie, wlyjcie do ôkrōngłyj formy (moge być tyż ta forma, ze keryj wyłajżōm30 abgeryjty ze dziōrōm poszczodku31). Wrojście32 jōm do bratruły na 40-45 minut- dejcie pozōr33, bo kołżdy piec je inkszy. Jak już baje upieczne, to ze zaftu ze poły citrōłny i pudecukru zrōbcie luker i posmarujcie nasza abgeryjta po wiyrchu. Potyn już yno… smacznego 🙂

Abgeryjta ze baniom-małe

1ō- samogłoska w wymowie między o i u

2mniej

3ô=ło

4naprawdę

5delektować się

6babcia

7dawniej

8gdy byłem mały

9bardzo; dużo

10dodawała

11goździków

12powiedzą

13zupełnie

14proste

15innych

16kilka

17przepisów

18czasem

19nudzi

20wydziwia, wymyśla

21cytryn

22będzie

23pół

24wszystko

25sok

26górę

27najpierw

28piekarnik

29dorzućcie

30wychodzą

31pośrodku

32włóżcie

33uważajcie

2 thoughts on “Abgeryjta ze baniōm (Babka dyniowa)

  1. Klaudiusz we Niymcach maja rostomajte jajca i wieksze i mansze.Akurat jak chca te große L to niy ma 😂😂Musza sprobowac tego przepisu.

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *