Ryba lubi pływać- nojlepi we tōmatach (Dorsz w tomacie ;) )

Ryba je dobroł niy yno na piōntek1, a jak je dobrze narychtowano2, to sie może przed niōm sklōdzić3 niyjedne miyso4. Na tyn recept5 żech prziszoł, jak my mieli mieć bezuch6 we piōntek- czowiek myśli, myśli i… tak żech prziszoł na ta ryba we tōmatach7. Podoł8 żech jōm ze nudlami9 i to je chyba nojlepszy dō ni10 kamrat11. A co nojważniyjsze, gibko12 sie to warzi13.

Co potrza?

50 dkg dorsza

50-70 ml przeciyru ze tōmatōw

1 cebula

1 zōmbek czosku

2 „ône”14 trołwy citrōłnowyj15 (chyba szło by pedzieć16, że źdźbła- ale jak ji niy mołcie, to mogecie zetrzyć skōrka ze jednyj citrōłny)

pynczek pietruszki

połra gałōnzkōw miynty17

szczypiorek ze jednyj dymki

zaft18 ze poły citrōłny

sōl i pieprz

trocha chili

łeżka masła klarowanego

łeżka ôleju kokosowego (jak niy mołcie, to mogecie dać łeżka oliwy- abo i 2)

Na maśle i ôleju zeszklijcie cebula i czosnek. Dociepcie19 do tego pokrōnego20 na mańsze kōnski21 dorsza i wlyjcie zaft ze citrōłny. Niech sie to tak ze minuta podpiecze i potyn mogecie wlołć22 przeciyr i wciepnōńć prziprawy. Tera styknie, żeby sie to powarzōło ze połra minut i mołcie jołdło23 fertich24. Jak byjście chcieli sie to zjejś z nudlami, to nojlepi na samym poczōntku nastawić na nie woda. Smacznego 🙂

Ryba lubi pływać- małe

1piątek, ō- samogłoska w wymowie pomiędzy o i u

2przygotowana

3schować

4mięso

5przepis

6gościa

7pomidorach

8podałem

9makaronem

10niej

11kolega, towarzysz

12szybko

13gotuje

14ô=ło

15cytrynowej

16powiedzieć

17mięta

18sok

19dorzućcie

20pokrojonego

21mniejsze kawałki

22wlać

23jedzenie

24gotowe

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *