Syrnik koko-wiśnia (Sernik kokosowo- wiśniowy)

Piyrsze1 skojarzynie ze koko to je kura i po prołwdzie2 tyn syrnik tyż ze kurōma3 moł4 co wspōlnego, bo dołwo5 sie rajn6 ôziym7 jajec. Te inksze8 znaczynie koko- dzisiaj może by my to napisali coco- wiedzie nołs do kōłkōsraszpli9. Sōm10 ludzie co ich niy ciyrpiōm, sōm take co sie zarozki11 na nie ciepnōm12 i sōm take jak moja Kobiyta, kero13 kōłkōsraszpli niy je, ale mlyko kokosowe i te biołe wybrane prosto ze ôtwartego ôrzecha to już ja… ludzie sōm roztomajte14 😉

Joł żech tyn syrnik robiōł ze wiśniami kandyzowanymi, ale jak tera na zygrōdce15 sōm take fajne świyże, to mogymy sie brać za pestkowanie i pieczynie.

Co potrza?

Spodek16:

1,5 szklōnki mōnki pszynny

1 szklōnka kōłkōsraszpli

2 żōłtka

1 łeżeczka proszku do pieczynia

łeżka śmiytōnki17

15 dkg masła

0,5 szklōnki cukru

Syrnik:

1 kg syra (joł żech doł taki presowany, ale mogecie dać i taki ze wiaderka- chyba, że wolicie ze ajmra18 😉 )

1 szklōnka cukru

0,5 szklōnki ôleju

2 szklōnki mlyka

1 kisiel wiśniowy

4 żōłtka

2 jajca

2 paczki kandyzowanych wiśni abo ze 20 dkg świyżych (wypestkowanych)

ździebko19 chili

Wiyrch:

6 biōłek

1 szklōnka cukru

ździebko soli

1 szklōnka kōłkōsraszpli

Bierymy sie za spodek: wszyjske składniki wciepcie20 do jaki miski i fajnie wyrōbcie. Na blacha (sztyrogato21) dejcie22 papiōr do pieczynioł i na niego wyłōżcie rozrobiōne ciasto- przi rantach23 mogecie24 je dać trocha wyżyj.

Tera w kolyjce25 je syrnik. Jajca trza26 utrzyć ze cukrym (yno niy smōlcie27 sie z tym za kans28, bo przeca29 tyn cuker sie rozpuści niyskorzyj30 we mlyku), potyn wlyjcie31 tam ôlyj, syr, chili, mlyko ze rozpuszczōnym kisielym i wszyjsko cuzamyn32 wymiyszejcie (joł to robia mikserym). Na kōniec dociepcie tam wiśnie i mogecie to wymiyszać warzechōm. Bratruła33 nagrzyjcie na 180 stopni, syrnik wylyjcie na blacha i wrojście rajn na 50 minut- dejcie pozōr34, bo niyftore35 piece lubiōm przipołlać36.

Bez tyn czas ubijcie biōłka ze cukrym na sztywnoł piana (dejcie dō nich tyż ździebko soli), na kōniec wciepcie rajn kōłkōsraszple. Jak syrnik bydzie upieczōny, to wyłōżcie ta piana na wiyrch i wrojście do pieca na 15 minut.

Jak już piana sie fajnie przibrōnołci37, to wyciōngcie tyn nasz syrnik, ochōdźcie38 i… smacznego 🙂

1pierwsze

2naprawdę

3kurami; ō- samogłoska w wymowie między o i u

4ma

5daje

6do środka

7osiem; ô= ło

8inne

9wiórki kokosowe

10

11zaraz

12rzucą

13która

14różni

15ogrodzie

16spód

17śmietany

18wiadra

19szczyptę

20wrzućcie

21prostokątną

22dajcie

23brzegach

24możecie

25kolejka

26należy

27trudźcie

28bardzo

29przecież

30później

31wlejcie

32razem

33piekarnik

34uważajcie

35niektóre

36przypalać

37przypiecze

38ostudźcie

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*