Zupa ze tomatōw i apfylziny (Zupa pomidorowo-pomarańczowa)

To je1 zupa, kero2 mogecie3 bez lato zrobić ze świyżych tōmatōw4, a bez zima bydzie5 to nojlepsze spōmniynie6 lata. Je fajnie arōmatyczno, gibko7 sie jōm robi, a do tego mogecie trocha poszpanować, jak przidzie do Wołs bezuch8 i zaserwować im zupa ze apfylzinōm9– keby10 Wōm sie chciało, mogecie jeszcze jōm przistroić takim małym ślizykym11 apfylziny.

 

Co potrza?

750 ml przeciyru ze tōmatōw (mogecie go zrobić ze 1kg tomatōw abo yno odkryńcić flaszka z gotowym 😉 )

1 szklōnka soku ze apfylzinōw (nojlepi sami sie go wyciście)

1 cebula

2-3 łeżki oliwy

sōl i pieprz

łeżeczka czubrycy (jak ji niy mołcie12, to sie łeba niy urywejcie 😉 )

połra listkōw ze limōnki kaffir (jak niy mołcie, mogecie wycisnōńć trocha citrōłny)

2 gałōnzki natki ze selera

2 gałōnzki lubczyku

połra łeżek słōnecznika do posucia13 po wiyrchu

połra łeżek jogurtu greckego

 

Na oliwie zeszklijcie pokrōno14 cebula, do tego wlyjcie15 przeciyr, sok i prziprawy. Lubczyk i natka ze selera wciepcie16 w całojści, a potyn przed podaniym zupy mogecie to wytrzajś17. Niech sie to chwila powarzi18 i… fertich19. Po wiyrchu20 mogecie to posuć uprażōnym na suchyj patelni słōnecznikym i dać łeżka jogurtu. Richtich gibko sie to robi, a potyn yno kans21 dobroci. Smacznego 🙂

1jest

2którą

3możecie

4ō- spółgłoska w wymowie między o i u

5będzie

6wspomnienie

7szybko

8goście

9pomarańcza

10gdyby

11plasterkiem

12jak jej nie macie

13posypania

14pokrojoną

15wlejcie

16wrzućcie

17wyrzucić

18pogotuje

19gotowe

20na górze

21dużo

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *