Kokos na bani (Krem dyniowy z kokosem)

Bania je krōlowōm1 jejsiyni2, a jak fto3 sie ji4 trocha zamrojzi, to moge5 poszaleć nawet na wiosna. Ta zupa je richtich6 ajnfachowo7, choć niyftorych moge przestarszyć mlyko kokosowe abo pasta curry, ale dzisiaj take rzeczy to idzie kupić we kołżdym8 wiynkszym sklepie, a smak, jaki potyn mōmy, je niy do opedzynia9 😉

Co potrza?

500 g bani

1 cebula

2 łeżki ryżu

2 łeżki pasty curry (zielōnyj abo czerwōnyj, a jak taki niy mołcie, to mogecie dosmakować10 to prziprawōm curry)

puszka mlyka kokosowego

1,5 szklōnki wody

łeżka masła klarowanego

łeżka ôleju11 kokosowego abo oliwy

sōl i pieprz

ziorka słōnecznika

zielōny ôgōrek

Na maśle i ôleju zeszklijcie pokrōnoł12 cebula, a potyn dociepcie13 do tego pokrajanoł na byle jake kōnski14 bania. Jak sie trocha przismaży (styknōm15 2 minuty), dolyjcie16 do tego wody, wciepcie17 ryż, sōl, pieprz, pasta i niech sie to tak ze 15 minut powarzi18. Wyłōnczcie,19 wlyjcie do tego mlyko kokosowe i zmiksujcie. Potyn dejcie20 jeszcze na piec, niech sie chwila powarzi i fertich21. Na talyrzu na wiyrch dejcie połra ślizykōw22 zielōnego ôgōrka i trocha uprażōnego na suchyj patelni słōnecznika. Smacznego 🙂

1ō- samogłoska w wymowie między o i u

2jesieni

3kto

4jej

5może

6naprawdę

7prosta

8każdym

9opowiedzenia

10przyprawić

11ô= ło

12pokrojoną

13dorzućcie

14kawałki

15wystarczą

16dolejcie

17wrzućcie

18pogotuje

19wyłączcie

20dajcie

21gotowe

22plasterków

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *