Szpinat sie zakurzōł ;) (Kurczak ze szpinakiem)

Je to jedna ze tych zōłzōw¹, kere² idzie raz-dwa-trzi uwarzić³ i je tak ajnfachowo⁴, że nawet te ludzie, kere w kuchni umiōm narychtować yno pizza ze zamrażalki, dajōm sie z niōm rada. Szpinat je zdrowy, a w taki zōłzie zjedzōm go nawet te ludzie, kere myślōm, że go niy lubiōm 😉

Co potrza?

500 g piersi ze kury

100-150 g wyndzōnki⁵

200 g szpinatu (nojlepi tych małych liści- szpinat baby)

2 zōmbki czosku

200 ml śmietōnki (moge być 18%)

pieprz i połra gałōnzkōw⁶ bazylii

Nojprzōd⁷ na patelni przibrōnołćcie⁸ pokrajanoł⁹ wyndzōnka. A jak już baje¹⁰ fertich,¹¹ to jōm przeciepcie¹² do wiynkszego gorka- w takim gorku lepi nōm sie bydzie¹³ blanszować tyn szpinat. Na patelnia niech przidzie terozki¹⁴ pokrajany kurczak, a jak sie przipiecze, to tyż go wciepcie do gorka. Tera już patelnia niy bydzie nōm potrzebnoł. Do gorka wyciście czosnek, wlyjcie śmiytōnka, dejcie prziprawy (pieprz i bazylia), szpinat, przikryjcie to jakōm pokrywkōm i niech sie to wszyjsko połra¹⁵ minut powarzi. Jak już liście trocha ôklapnōm¹⁶, to mōmy nasza zōłza fertich. Idzie jōm zjejś ze nudlami¹⁷, ryżym, karołflami¹⁸ abo i ze jakōm dobrōm żymłōm¹⁹. Po wiyrchu²⁰ mogecie²¹ jōm na talyrzu postrojić²² liściami bazylii. Smacznego 🙂