Kokos na bani (Krem dyniowy z kokosem)

Bania je krōlowōm¹ jejsiyni², a jak fto³ sie ji⁴ trocha zamrojzi, to moge⁵ poszaleć nawet na wiosna. Ta zupa je richtich⁶ ajnfachowo⁷, choć niyftorych moge przestarszyć mlyko kokosowe abo pasta curry, ale dzisiaj take rzeczy to idzie kupić we kołżdym⁸ wiynkszym sklepie, a smak, jaki potyn mōmy, je niy do opedzynia⁹ 😉

Co potrza?

500 g bani

1 cebula

2 łeżki ryżu

2 łeżki pasty curry (zielōnyj abo czerwōnyj, a jak taki niy mołcie, to mogecie dosmakować¹⁰ to prziprawōm curry)

puszka mlyka kokosowego

1,5 szklōnki wody

łeżka masła klarowanego

łeżka ôleju¹¹ kokosowego abo oliwy

sōl i pieprz

ziorka słōnecznika

zielōny ôgōrek

Na maśle i ôleju zeszklijcie pokrōnoł¹² cebula, a potyn dociepcie¹³ do tego pokrajanoł na byle jake kōnski¹⁴ bania. Jak sie trocha przismaży (styknōm¹⁵ 2 minuty), dolyjcie¹⁶ do tego wody, wciepcie¹⁷ ryż, sōl, pieprz, pasta i niech sie to tak ze 15 minut powarzi¹⁸. Wyłōnczcie,¹⁹ wlyjcie do tego mlyko kokosowe i zmiksujcie. Potyn dejcie²⁰ jeszcze na piec, niech sie chwila powarzi i fertich²¹. Na talyrzu na wiyrch dejcie połra ślizykōw²² zielōnego ôgōrka i trocha uprażōnego na suchyj patelni słōnecznika. Smacznego 🙂