Oriyntalny szałołt ze tuńczykym (Orientalna sałatka z tuńczykiem)

Niy ma wiynkszyj1 inspiracji, jak bezuch2, kery3 moł4 prziś5. A jak jeszcze niy chce Wōm6 sie ciś7 do sklepu na zakupy, to już idzie przeczuwać jaki nowy recept8. Robicie przeglōnd lodōwki, zamrażalki, szrankōw9 i… wyszoł10 z tego tak dobry szałołt, że niy yno gojście11 byli zadowolyni, ale i gospodołrz- a mie niy tak leko dogodzić. Idzie go jejś12 na ciepło i zimno. Je tam kans13 tuńczyka, wyraźne w smaku nudle14, a do tego jeszcze trocha zielōnego. Te nudle idzie kupić we sklepach oriyntalnych, srogich15 marketach i na tydniach oriyntalnych w roztomajtych16 dyskontach, ale keby17 ich niy bōło18, to mogecie przeca19 dać i take nudle, jake mołcie20 w dōma… abo i mogecie sie je sami wartko21 nudelkulōm ukulać 😉

Co potrza?

500 g tuńczyka- joł żech mioł takoł srogoł puszka ze stekami z tuńczyka, kaj22 go bōło nawet trocha wiyncyj, ale Wy mogecie dać 3 małe puszki

paket nudli soba (300 g)- to sōm take japōńske nudle ze mōnkōm gryczanōm

300 g mrożōnego groszku

3 łeżki majōnezu

1-2 zōmbki czosku

2-3 łeżki zōłzy sojowyj

ździebko pieprzu

To sie robi tak wartko, że sie nawet niy ôbrōcicie, a już baje23 na stole. Uwarzcie24 we gorku woda ze solōm, wciepcie25 tam mrożōny groszek, a jak przyńdzie26 5-6 minut, dociepcie27 do tego nudle soba- ône sie warzōm yno 3 minuty. Ôdcedźcie, dejcie tuńczyka, majōnez, czosnek, zōłza, pieprz, dosmakujcie i sie biercie za jedzynie. Smacznego 🙂

1większej

2odwiedziny

3który

4ma

5przyjść

6ō- samogłoska w wymowie między o i u

7iść

8przepis

9szafek

10wyszedł

11goście

12jeść

13dużo

14makaron

15dużych

16różnych

17gdyby

18było

19przecież

20macie

21szybko

22gdzie

23będzie

24ugotujcie

25wrzućcie

26minie

27dorzućcie

Post Author: klaudiuszkaufmann

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *