Kryjma citrōłnowo (Lemon curd- jakby to tak po polsku powiedzieć ;) )

Ta angelsko kryjma1 je tak dobro, że jak rołz2 jōm zrobicie i zjycie3, to zarozki4 bydziecie myśleć, kedy by jōm zajś narychtować5. Robi sie jōm dojś6 szybko, a potyn idzie jōm trzimać we lodōwce7 nawet do dwōch tydni, choć wōntpia8, żeby we ftoryj chałpie9 aż tyla udało ji sie wytrzimać. Idzie sie tōm kryjmōm posmarować sznita10, przełożyć niōm ciasto, nafilować11 tarletki abo windbojtle12, połōnczyć jōm ze śmiytōnkōm abo mascarpone i mieć delikatny kryjm do torty, abo jōm zezryć13 łeżeczkōm, jak żołdyn14 ze dōmownikōw niy patrzi 😉

Co potrza?

3 citrōłny15

0,5 szklōnki cukru

80 g masła

3 jajca

We jaki misce abo gorku nad wrzōntkym ôzpuście16 masło, dodejcie tam starto skōra ze citrōłnōw (bez biołego), sok i cuker. Jak sie to wszyjsko fajnie wymiyszo, to wciepcie tam żōłtko i ubite biołka i tak dugo miyszejcie (mikserym,trzepaczkōm abo warzechōm), aż fajnie Wōm zgynstnieje – połra minut na to zleci.

Potyn przełōżcie do jaki krauzy17 abo inkszego pojymnika, wrojście18 do lodōwki i… za chwila sie zacznie.

Smaczego 🙂

1krem

2raz

3zjecie

4zaraz

5przygotować

6dość

7ō- samogłoska w wymowie między o i u

8wątpię

9domu

10kanapkę

11wypełnić

12ptysie

13zeżreć

14żaden

15cytryny

16rozpuśćcie

17słoika

18włóżcie

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*