Syrnik świōnteczny (Sernik świąteczny)




To je chyba nojbarzi1 klasyczny syrnik, jaki idzie narychtować. Kruchy spodek, syr, trocha piany i na sōm wiyrch2 zajś kruche. Dojś wartko się to robi, ale takego smaku sie niy zapomino.

Co potrza?

Kruche:

2 szklōnki mōnki pszynnyj

125 g masła

2 łeżki śmietōnki

2 żōłtka

0,5 szklōnki cukru

1,5 łeżeczki proszku do pieczynioł

Syr:

1 kg syra (moge być ze wiaderka)

0,5 szklōnki oleju

0,5 szklōnki mlyka

5 żōłtek

1 szklōnka cukru (choć mogecie dać tyż tak 2/3 szklōnki)

2 pudingi

2 gorście rodzynkōw- nojlepi moczōnych bez noc we rumie; a jak fto niy lubi, to moge wciepnōńć do syra pokrōne morele abo żurawina

Piana:

biołka (tu ich bydzie 7)

0,5 szklōnki cukru

Składniki kruchego wciepcie do miski i fajnie wyrōbcie. 2/3 wyłōżcie na spodek prostokōntnyj blachy, a 1/3 wrojście3 na chwila do lodōwki.

Składniki syra wymiyszejcie i wyłōżcie na kruche. Terozki przidzie ubito ze cukrym piana, a na samoł gōra potarte na rubych ôczkach kruche.

Bratruła łozgrzyjcie na 180 stopni i wrojście tam tyn syrnik na godzina- dowejcie pozōr, żeby sie niy przipołlōł. Ajnfachowe? Ale tego smaku niy pożałujecie. Smacznego 🙂

1najbardziej

2górę

3wyłóżcie




2 Komentarze

Odpowiedz na „GrzegorzAnuluj pisanie odpowiedzi

Twój adres email nie zostanie opublikowany.


*