Hańdyk oriyntalny (Indyk orientalny)

Dzisiej mōm dziyń na wynołkwianie¹ 😉

We sklepie bōły na angebōłcie² banany i jakoś mie wziyno na miyso ze bananami. Do tego jeszcze prziszły kiełki, połra³ inkszych składnikōw i tak mi to zasmakowało, że musiołech to sam⁴ wciepnōńć.

Co potrza?

400 g mielōnego hańdyka

3 banany

1 papryka

1 cebula

150 kiełkōw na patelnia

3-4 łeżki oliwy

1 łeżka masła klarowanego

1 łeżeczka curry ( choć moge być i wiyncyj)

0,5 łeżeczki garam masala*

sōl

Nojprzōd do woka żech wciep⁵ miyso. Jak sie ździebko⁶ przipiykło, to żech tam dociep masło, oliwa, pokrōnoł⁷ cebula, papryka, a za chwila kiełki, pokrōne banany i prziprawy. 5 minut roboty i fertich⁸. Smacznego 🙂

*Garam masala to we jynzyku hindi znaczy gorke⁹ prziprawy i tak sie je tyż rychtuje-¹⁰ na gorko i bez to łone potyn tak dobrze czowieka rozgrzywajōm. Takoł miyszanka mogecie sie narychtować¹¹ sami. Zrōbcie sie ji¹² wiyncyj, a bajecie¹³ mieć jōm¹⁴ na dugo.
Na patelnia wciepcie:
6 łeżek pieprzu, 5 łeżek kminu rzymskego, 2 łeżki cynamōnu, 1,5 łeżki goździkōw, 2,5 łeżki kardamonu, 6 łeżek nasiōn kolyndry, 2 łeżki pokruszōnych bobkowych¹⁵ liści i   łyżeczka zmielōnyj gałki muszkatołowyj. Podpiyczcie ze 30 sekund na średnim łogniu i łodstołwcie do ochōdzynia.¹⁶ Tera zmielcie i zawrzyjcie¹⁷ w jaki krauzce.¹⁸ Niech Wōm dugo pomołgo¹⁹ we warzyniu 🙂