Maszkyt ze marchwiōm (Ciasto marchewkowe)




Moja Cera1 wyczytała we ksiōnżce, że jedyn krōlik robiōł ciasto marchewkowe. I tak jyj sie ta idyja2 spodobała, że prosiōła fatra3 ô take ciasto. Niy je żech zicher4, czy tyn krōlik tyż by je zjołd, ale my je zjedli ze smakym.

 

Co potrza?

szklōnka potartyj i wyciśniyntyj marchwi

4 jajca

250 g mōnki pszynnyj

100 g cukru biołego

50 g brōnołtnego (joł żech mioł taki cuker kokosowy, kery moł niższy indeks glikymiczny)

1 łeżeczka proszku do pieczynioł

1 łeżeczka sody

200 ml oleju (joł żech mioł rzepakowo-lniano-baniowy 😉 )

100 g mandli (płatkōw abo słupkōw)

 

Ubijcie jajca ze biołym cukrym, potyn pomału wmiyszejcie tam mōnka, olyj, proszek, soda i brōnołtny cuker. A na sōm kōniec marchew i mandle. Wlyjcie to do formy, nagrzyjcie bratruła na 175 stopni i piyczcie tyn nasz maszkyt5 bez 45-50- minut. Potyn mogecie go jeszcze posuć6 po wiyrchu cukrym pudrym, leko ochōdzić i sie za niego brać. Smacznego 🙂

1córka

2pomysł

3ojca

4pewny

5słodkość

6posypać




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*