Klopse kolōnialne (Klopsiki kolonialne)

Mogecie1 sie pomyśleć, że mie zajś trocha pofyrtało2, ale jŏ Wōm zarozki całŏ ta nazwa wytłumacza. Angliki do Indii przysmyczyli3 cheddar i inksze4 syry, a nazod5 wziyni6 połno roztomajtych7 prziprawōw i tak mi sie te klopsy jakosik z tōm starōm epokōm skojarzōły. Ône niy majōm żŏdnyj paniyrki, a piyk żech je na grillu, kaj sie tyn syr zrobiōł z wiyrchu tyż tak fajnie chrupiōncy.

Przi jakim byzuchu8 mogecie sie trocha poszpanować 😉

Co potrza?

60 dkg miysa mielōnego ( jŏ żech mioł wieprzowe, ale i inksze sie sam mogecie tyż dociepnōńć)

20 dkg potartego cheddara

poła łeżeczki garam masala (sam znojdziecie na nia recept: https://chopwkuchni.pl/?p=315)

poła łeżeczki jaki inkszyj indyjskyj masali- jŏ żech dostoł tako do kurczaka, choć jak takyj niy mŏcie, to moge być i ajnfachowe curry

sōl

1 jajco

zōmbek czosku

trocha pokrōnyj natki pietruszki

Wymiyszejcie we jaki misce wszyjske skłŏdniki (dlo tych, kerzy9 piyrszy rŏz sōm w kuni- jajca bez skorupkōw) i formujcie ze tyj masy klopsiki. Potyn sie biercie za pieczynie. Jŏ żech je grillowoł, ale mogecie je i na blank normalnyj patelni upiyc na maśle klarowanym abo oleju.

A potyn już yno smacznego 🙂

1możecie

2pomieszało

3przywieźli

4inne

5z powrotem

6wzięli

7różnych

8gościach

9którzy

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




1 Komentarz

Dodaj komentarz

Twój adres email nie zostanie opublikowany.


*