Nudle we śmiytōnkowyj zōłzie ze szpinatym (Makaron w śmietankowym sosie ze szpinakiem)

Jak żech się smykoł1 chwila po Włoszech, to tam nic, yno nudle a pizza. Pizza we Mediolanie za dobrŏ niy bōła, a nudle… zjejś szło, ale lepsze żech sie narychtowoł2 w dōma i to ganz gibko3 😉

Co potrza?

(z tego wyńdōm4 take 2-3 porcje)

200-250 g nudli (jŏ żech mioł take bioło-zielōne, kere niyskorzyj fajnie wyglōndajōm na talyrzu)

150 g pokrōnyj wyndzōnki5

150 ml śmietōnki

2 gŏrscie6 szpinatu (tych modych listkōw)

zōmbek czosku7

pieprz

gałka muszkatałowŏ

2-3 łeżki pokrōnyj natki pietruszki

trocha potartego parmezanu

Uwŏrzcie8 nudle. Bez tyn czas, kej9 ône sie warzōm, wciepcie wyndzōnka na jaki wiynkszy tygel10– jak sie podpiecze, wciście tam zōmbek czosku i pōmału wlyjcie ku tymu śmiytōnka (dejcie pozōr11, żeby sie niy zwarzōła). Tera idzie ta śmiytōnka trocha ôdparować. Dociepcie tam tyż trocha pieprzu i gałki. Jak już zōłza bydzie barzi gynstŏ, to dejcie uwarzōne nudle, szpinat, natka, wymiyszejcie i na talyrze. Po wiyrchu posujcie to parmezanym i… smaczego 🙂

1włóczyłem

2przygotowałem

3całkiem szybko

4wyjdą

5wędzonego boczku

6garście

7czosnku

8ugotujcie

9gdy

10patelnia

11uważajcie

Please follow and like us:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




2 Komentarze

Odpowiedz na „klaudiuszkaufmannAnuluj pisanie odpowiedzi

Twój adres email nie zostanie opublikowany.


*