Kans1 ludzi kupuje gotowe prziprawy do piernikōw, ale tak po prŏwdzie2 to nawet niy wiymy, co tam driny3 je i bez4 to nojlepi sie je narychtować samymu. Za starego piyrwy5 gŏdali na pierniki feferkuchy, kere to miano sie wziyno ze niymieckego Pffeferkuchen, co by szło przetłumaczyć jako ciasto ze pieprzym. I faktycznie trocha tego pieprzu abo korzyni- jak piyrwy gŏdali- do piernikōw tyż trza nasuć6. Je tam tyż całŏ masa roztomajtych7 prziprawōw, kere do Europy przijechały ze Indii i inkszych oriyntalnych krajōw.
Kej8 powstoł piyrszy recept na feferkuchy, to sie jeszcze mōndre głowy spiyrajōm, ale już na pewno te pŏraset lŏt we Europie ludzie maszkycōm pierniki.
Co potrza?
20 g pomelanego9 cimtu/skorzicy/cynamōnu
10 g ziela angelskego*
10 g nelkōw/ gojździkōw*
1,5 łeżeczki potartyj gałki muszkatałowyj
1 łeżeczka tartego zezworu/ imbiru
poła łeżeczki pomelanego kminku
poła łeżeczki pieprzu*
1 łeżka ziorek kolyndry*
1,5 łeżeczki kardamōnu (wyciōngcie ale yno te ziorka ze środka)*
idzie tyż dać pŏra gwiŏzdek anyżu*
*te wszyjske prziprawy nojlepi pomelać we młynku do kawy, łoztrzaskać we moździerzu abo i pomelać w jakim starym młynku do pieprzu, kery mŏcie jeszcze po ōłmie
Tak po prŏwdzie to yno trza wszyjske prziprawy wymiyszać i fertich. Nojlepi by bōło tyż niyftore na świyżo pomelać, bo to ftedy bydymy mieć nojlepszy arōmat.
A recept na pierniki znojdziecie sam:
Pierniki (na północ i wschód od Śląska występują pod taką samą nazwą 😉
1dużo
2naprawdę
3w środku
4przez
5dawniej
6nasypać
7różnych
8kiedy
9pomielonego
