Nudle ze cukiniōm i mascarpone

Jak czowiek przijedzie do dōm ze Włoch, to potyn co chwila ciōngnie go do nudli. Te sam to świdry giganty, ale zōłza¹ mi wyszła takŏ, że żech niy mōg strzimać², żeby sam tego niy wciepnōńć³.

Co potrza?

300 g nudli (tak na 3 porcje)

250 mascarpone

1 małŏ cukinia

125-150 g wyndzōnki⁴ pokrōnyj we kostka

1 cebula

3 łeżki kaparōw

1 łeżeczka oregano

pŏra⁵ ziorek zielōnego pieprzu

trocha parmezanu do posucia⁶ po wiyrchu

Nudle uwarzić⁷. Wyndzōnka podpiyc na tyglu⁸, a potyn dociepnōńć⁹ dō ni pokrōnŏ cebula, prziprawy i cukinia. Jak już cukinia zmiynknie, to dejcie tam mascarpone i kapary. Chwila jeszcze niech sie powarzi i mogecie to miyszać ze nudlami i wciepować na talyrze. Po wiyrchu posujcie to parmezanym, ale mogecie i pokrōnōm pietruszkōm. Smacznego 🙂