Żeberka we piwie

Uwielbiōm żeberka… a jak ône sie tak jeszcze pryndzyj poduszōm we gorku ze jakim fajnym dodatkym i niyskorzyj zapiekymy je ze leko słodkōm glazurōm, to bydōm sie nōm same cisnōńć¹ do gymby 😉

Co potrza?

2 kg żeberek- tak, aby na dwa obiady stykło 😉

1 piwo- mogecie sprōbować wersja ze jasnym i ciymnym piwym

pŏra² ziorek ziela angelskego

pŏra ziorek owocōw jałowca

trocha kminku

pŏra liści bobkowych³

sōl i pieprz

łeżka kechupu

łeżka miodu

łeżka dżymu ze moreli- choć jŏ żech sam mioł a’ la dżym, kery mi łostoł po rychtowaniu nŏlywki ze moreli 😉

Pokrejcie żeberka na mańsze kōnski⁴, wciepcie do gorka, wlyjcie piwo, dolyjcie wody (żeby miyso bōło przikryte), wciepcie⁵ prziprawy i niech sie to podusi na małym ôgniu tak aby ze dwie godziny.

Włōnczcie bratruła⁶ na 200 stopni, wyciōngcie miyso i wymiyszjecie we jaki misce kechup, miōd i dżym (glazura). Niyskorzyj poukłŏdejcie na blasze żeberka, posmarujcie glazurōm i wrojście to wszyjsko do nagrzōnyj bratruły na 30 minut. A potyn już yno smacznego 🙂

PS Ze wywaru mogecie sie na drugi dziyń narychtować⁷ zupa abo dejcie go do krauzy i łostŏwcie to na jaki inkszy dziyń 🙂