Tak narychtowane miyso idzie fajnie upic na grillu, ale tyż we bratrule1 abo i na tyglu2. Je3 ône bez ta marynata barzi delikatne we smaku, ale i fajnie soczyste. Nic yno sie brać za rychtowanie 🙂
Co potrza?
2 piersi ze kurczaka (abo mogecie tyż sam sie wziōńć filety ze podudziōw)
150 ml jogurtu (jŏ miołech grecki)
pŏra łeżek oliwy
gorść liści bazylii ( nojlepi je zmiksowac ze jogurtym)
zōmbek czosku
sōl i pieprz
Piersi pokrejcie we take wiynksze pŏski4 i wciepcie do jaki miski. Dodejcie ku tymu reszta skłodnikōw i ôdstŏwcie do lodōwki aby na pŏra godzin abo i całŏ noc.
Potyn już nōm ôstanōm yno grillowanie, pieczynie i inksze. Take jedzynie narychtujōm nawet ci, kerzy majōm dwie lewe rynce do warzynio 😉 Smacznego 🙂
1piekarniku
2patelni
3jest
4paski
Sam tyż mogecie mie znojś:
