Majs ze wōsztym (Kukurydza z kiełbasą)

Nojlepsze sōm¹ te proste dania, we kerych² mōmy trzi podstawowe składniki i kołży³ smak moł szansa sie poasić⁴. Te danie je tak ajnfachowe⁵, że żech sie nawet myśloł, że to możno je i za mało wynołkwiōne⁶ jak na Chopa w kuchni, ale tyn smak bōł tak dobry, że musza sam tyn recept⁷ wciepnōńć⁸.

Co potrza?

2-3 kolby majsu

300 g biołego wōsztu (moge być taki jak na grilla)

100 g nudli⁹ (joł żech mioł japōńske nudle soba- ze mōnkōm gryczanōm, ale mogecie sie sam wziōńć i ajnfachowe nudle do spagetti abo take do łazankōw)

1 cebula

łeżka masła

sōl i pieprz

Majs uwarzcie¹⁰ – abo kupcie sie taki uwarzōny, ale niy ze puszki, bo tyn moł inkszy¹¹ smak. Nudle tyż uwarzcie- chyba, że tak jak mie ôstało¹² Wōm trocha ze wczoraj 😉 Pokrejcie¹³ wōszt na małe kōnski¹⁴ i przipiyczcie na patelni. Jak już bydzie fajnie przibrōnołcōny¹⁵, to dociepcie¹⁶ do niego pokrajanoł cebula. Ôd kolby majsu ustawiōnyj piōnowo ôdkrowejcie¹⁷ nożym ziorka, kere sie bydōm¹⁸ ukłołdać¹⁹ we take fajne szajby²⁰. Jak już cebula sie zeszkli, to dociepcie na patelnia majs, dejcie tam łeżka masła dosmakujcie solōm i pieprzym, i już po robocie. Tera już yno ôstało Wōm „pucowanie²¹” talyrzōw 😉 Smacznego 🙂