Chlyb fitness (fitness to je richtich ślōnske miano ;) )

^{1 2}Gŏdajōm³, że bioły chlyb niy je za zdrowy, bo ta mōnka je za kans⁴ przerobiōnŏ i bez to fajnie sie pojejś chleba, kery je narychtowany ze jak nojmani⁵ przerobiōnych składnikōw. Ôn je kaloryczny, ale mŏ mało wynglowodanōw i bez to pomŏgŏ tyż schudnōńć- jak zjycie krōmka takego chleba, to już żejście sōm pojedzyni⁶ 😉 Je dojś zbity, ale jak sie wejrzycie⁷ na lista składnikōw, to sie niy ma co dziwić 😉

Co potrza?

1 szklōnka mōnki orkiszowyj- połnoziarniystyj

1 szklōnka haweflokōw⁸

1 szklōnka pestek ze słōnecznika

poła szklōnki sezamu

poła szklōnki ziorek lnu

poła szklōnki mōnki ze konopii- jak niy mŏcie, to mogecie dać wiyncyj jakego inkszego składnika

poła szklōnki mōnki kokosowyj- pomelane⁹ kōłkōsraszple¹⁰

1,5-2 łeżeczki soli

4 łeżki oleju rzepakowego

1,5-2 szklōnki wody

mogecie tyż dać sam łeżeczka sody i wtedy ôn trocha urojśnie, ale niy trza

Wszyjsko wczajście¹¹ do miski, wymiyszejcie, przełōżcie do formy keksōwki (jo dŏwōm na spodek tyż papiōr do pieczynioł). Łozgrzyjcie bratruła na 200 stopni i wrojście tam tyn chlyb na 20 minut, a potyn zmniyjszcie na 180 i potrzimcie go jeszcze 40 minut. Wyciōngcie, ochōdźcie na jaki kratce i… smacznego 🙂