Banany ze grilla (Grillowane Banany)

Ôstatnio¹ pogoda bōła² łaskawoł i żech sie mōg³ aby trocha pogrillować. Jak czowiek miyszko we srogim⁴ mieście bez zygrōdki⁵, to kołżdo chwila przi grillu cołkym inakszyj sie docynio. A że joł lubia roztomajte⁶ eksperymynty, to jak żech w dōma ôbejrzoł⁷ banany, to cojsik mie podkusiōło, żeby je wciepnōńć⁸ na grilla. Ōłma⁹ ôd moji Kobiyty¹⁰ klupała¹¹ sie w gowa¹², ale jak już potyn skosztowała takego fajnego miynkego¹³ banana, kery¹⁴ sie rozpływo we gymbie¹⁵, to nawet ôna zmiyniōła zdanie. Na drugi rołz¹⁶ żech jeszcze złōnaczōł¹⁷ do nich citrōłnowoł¹⁸ zōłza¹⁹ i deser wyszoł piyrsza klasa.

Co potrza?

połra²⁰ bananōw

rozpołlōny²¹ grill

Citrōłnowoł zōłza:

sok ze jednyj citrōłny

2 łeżki cukru

Nojprzōd sie narychtujymy²² ta zōłza. Sok i cuker dejcie do jakego małego gorczka²³ abo tyglika²⁴ i tak dugo wołrzcie²⁵, aże zgynstnieje²⁶.

Banany we skōrce wciepcie na grilla i niy bōjcie sie, że ône sie zrobiōm całe czorne. A jak już napocznie²⁷ z nich kapać sok i zrobiōm sie take fajnie miynke, to znaczy, że sōm²⁸ fertich²⁹. Ôberznijcie³⁰ takymu bananowi kōńcōwki, rozetnijcie ôd niego skōra, ôtwōrzcie go, polyjcie zōłzōm i rozkoszujcie sie… Smacznego 🙂