Karminadle to je richtich1 fajne danie do eksperymyntōw. Blank2 szybko sie je robi, idzie powciepować3 dō nich roztomajte4 skłodniki, a po usmażyniu czekŏ na nôs jeszcze fajnŏ chrupiōncŏ paniyrka.
Co potrza?
500 g mielōnego miysa ze hańdyka5 (moge być tyż kura)
1 łeżeczka mostrichu6
2 łeżki pokrōnych kaparōw
sōl i pieprz
zōmbek czosku
poła7 łeżeczki oregano
tartŏ bōłka
olyj do smażyniŏ
Do miski wciepcie8 pomelane9 miyso, wyciście ku tymu czosnek, dejcie10 pokrōne kapary, sōl, pieprz, mostrich, oregano i porzōndnie to wymiyszejcie. Potyn trza ukulać karminadle, ôbtoczyć we tartyj bōłce i mogecie sie brać za smażynie. Jak już bydōm fajnie przibrōnŏcōne11, to je wyciōngcie na papiyrowy ryncznik, żeby ôn wciōg choć trocha oleju. Take karminadle mogecie i dać gojściōm na jakim fajerze12 (wtedy lepi je narychtować mańsze13), i na stole idzie je zaserwować jako przistawka, kero możno by i mianować forszpajzōm. Smacznego 🙂
1naprawdę
2całkiem
3powrzucać
4różne
5indyka
6musztardy
7połowę
8wrzućcie
9zmielone
10dodajcie
11przyrumienione
12uroczystości
13mniejsze
Świetny artykuł. Jestem naprawdę szczęśliwy, że wyszukałem to miejsce . Wielu osobom wydaje się, że mają rzetelną wiedzę na opisywany temat, ale często tak nie jest. Stąd też moje ogromne zaskoczenie. Jestem pod wrażeniem. Zdecydowanie będę polecał to miejsce i regularnie tu zaglądał, żeby poczytać nowe artykuły.