Hańdyk ze szampiōnym (Indyk z pieczarką)

Chcielibyjście gibko¹ narychtować ôbiołd? To tyn recept² bydzie do Wołs.

 

Co potrza?

 

500 g hańdyka (jŏ żech doł polyndwiczki)

500 g szampiōnōw³

1 cebula (jŏ mioł szalotka)

łeżeczka tymianku

poła⁴ łeżeczki czosku niydźwiedziego abo 1 wyciśniynty zōmbek

150 ml śmietōnki (nojlepi 30 %)

łeżka mōnki kartoflanyj⁵ do zagynszczynia zōłzy

sōl i pieprz

łeżka masła klarowanego

Pokrejcie⁶ hańdyka na mańsze⁷ kōnski⁸ i wciepcie⁹ na patelnia. Jak już sie trocha podpieke, to dejcie¹⁰ tam masło, prziprawy i pokrōno cebula. Kedy cebula sie leko¹¹ zbrōnołci¹², wrojście pokrōne na wiynksze kōnski szampiōny. Jak puszczōm woda, mogecie ji trocha zebrać i dać do śmietōnki, żeby jōm leko zahartować. Terozki wlyjcie na patenia śmietōnka, mogecie dać tyż trocha wody i jak sie to zawarzi, mogecie jeszcze trocha zagyńścić ta zōłza mōnkōm łozrobiōnōm¹³ we zimnyj wodzie. Dosmakujcie i za połra minut mogecie sie brać za jedzynie. Tako zołza bydzie idealno do klōzek, nudli, krupōw i blank¹⁴ normalnyj żymły¹⁵.