Kura we sezamowym mantlu (Kurczak w sezamowym płaszczu)

Kej¹ Wōm sie zdo, że niy ma ajnfachowych² receptōw³, ze kerych⁴ wyńdzie⁵ elegancke danie, to joł Wōm powia, że sōm i ten sam⁶ tyż taki właśnie je. Połra minut i mogecie zaskoczyć swōj bezuch⁷ delikatnym smakym kury i sezamu.

Co potrza?

1 kg piersi ze kury

10 dkg sezamu

1 jajco

sōl i pieprz

olyj do smażynia

trocha soku ze citrōłny⁸

Kura pokrejcie⁹ na mańsze¹⁰ kōnski¹¹, posōlcie i popieprzcie, jajco łozfyrlejcie¹² we jakim talyrzu (mogecie do niego kapnōńć trocha mlyka), na drugi talyrz wysujcie¹³ sezam- niy dołwejcie zaroz całego, bo możno niy wszyjsko użyjecie, a jak już bydzie zmaraszōny¹⁴ jajcym, to go przeca¹⁵ niy skludzicie¹⁶ do szranku¹⁷. Łozgrzyjcie¹⁸ na patelni olyj, kura tōnknijcie¹⁹ we jajcu, potyn pokulejcie²⁰ we sezamie (nojlepi robić to dwōma widołkami²¹, bo sie tak niy pomarasicie palcōw) i do smażynia. Jak sie fajnie przibrōnołci²², to jōm przełōżcie na talyrz, kapnijcie na ta kura trocha citrōłny i fertich²³.

Tako kura bydzie idealno do jakego szałołtu²⁴ abo i uwarzōnych kartołfli²⁵, abo pure.

Smacznego 🙂