Kokosowy hańdyk (Indyk w sosie kokosowym)

Kupiōłech na angebōłcie¹ mlyko kokosowe i trza bōło zarŏzki cojsik wynŏkwić². To je tak ajnfachowe³ do narychtowania⁴, że nawet bajtle⁵ poradziōłyby to uwarzić⁶ 😉

Co potrza?

500 g mielōnego miysa ôd hańdyka

biksa⁷ mlyka kokosowego

prziprawa curry

zielōny groszek- nojlepszy by bōł taki świyży abo mrożōny (wtedy styknie wiynkszŏ gŏrść), ale idzie tyż ôtworzić biksa i jōm sam wciepnōńć

sznitlŏch⁸

sok ze poły citrōłny⁹

sōl i pieprz

masło klarowane

Pomelane¹⁰ miyso pomiyszejcie ze curry (tak aby ze poła łeżeczki), solōm i pieprzym. Na tygel¹¹ wciepcie łeżka masła klarowanego i niyskorzyj dejcie tam ukulane¹² byle jak małe kulki ze miysa. Jak sie trocha podpiekōm, to wlyjcie ku tymu mlyko, dejcie sok, groszek, curry, sōl, pieprz i niech sie to trocha powarzi. Na sōm kōniec dosmakujcie sie to jeszcze prziprawōma i mogecie już pomału futrować godnych¹³. Na talyrzu posujcie to jeszcze pokrajanym sznitlŏchym.

Jŏ żech to jŏd ze czerwōnym ryżym i rucolōm, ale do tego idzie sie zjejś nawet klōzki abo yno żymła¹⁴. Smacznego 🙂

1promocji

2wymyślić

3proste

4przygotowania

5dzieci

6ugotować

7puszka

8szczypiorek

9cytryny

10zmielone

11patelnię