Blaukraut ze apfylzinōm (Niebieska kapusta z pomarańczą)

Warning: Undefined array key "sfsi_plus_mastodonIcon_order" in /home/klient.dhosting.pl/chopwkuchni/chopwkuchni.pl/wp-content/plugins/ultimate-social-media-plus/libs/sfsi_widget.php on line 1931

Warning: Undefined array key "sfsi_plus_riaIcon_order" in /home/klient.dhosting.pl/chopwkuchni/chopwkuchni.pl/wp-content/plugins/ultimate-social-media-plus/libs/sfsi_widget.php on line 1932

Warning: Undefined array key "sfsi_plus_inhaIcon_order" in /home/klient.dhosting.pl/chopwkuchni/chopwkuchni.pl/wp-content/plugins/ultimate-social-media-plus/libs/sfsi_widget.php on line 1933

Niyftorzi¹, jak yno wejrzōm² na recept ôd Chopa w kuchni, to na zicher³ pedzōm⁴: co tyn zajś wynŏkwiōł⁵ 😉 Tyn recept prziszoł dō mie bez szporowanie⁶– miołech gōwka modryj⁷ kapusty i 4 mańsze⁸ apfylziny⁹… co bōło zrobić, przeca¹⁰ jedzynie niy moge sie zmarnować. I musza Wōm pedzieć, że to bōła richtich¹¹ dobrŏ idyja 🙂

Co potrza?

gōwka modryj kapusty

3-4 apfylziny

1 czerwōnŏ cebula

łeżka masła

10-15 dkg pokrōnyj we kostka wyndzōnki¹²

pŏra ziorek ziela angelskego

pŏra listkōw bobkowych¹³

sōl i pieprz

pŏra łeżek octu balsamicznego

Pokrejcie¹⁴ kapusta i wciepcie¹⁵ do gorka. Zetrzyjcie skōrka ze jednyj apfylziny, wyciście sok ze wszyjskich i dejcie to do gorka ze kapustōm. Wciepcie tam tyż ziele angelske, trocha soli, pieprzu i liście bobkowe. Terŏzki we otwartym gorku niech sie to warzi, aż kapusta bydzie miynko (sok niech odparuje). Podpiyczcie na jakim tyglu¹⁶ wyndzōnka, dejcie dō ni cebula i potyn wciepcie to do gorka ze kapustōm. Terŏzki trza jeszcze dosmakować wszyjsko octym balsamicznym, solōm i pieprzym… a niyskorzyj już yno smacznego 🙂

1niektórzy

2spojrzą

3na pewno

4powiedzą

5wymyślił

6oszczędność

7niebieskiej

8mniejsze

9pomarańcze

10przecież

11naprawdę

12boczku wędzonego