Polyndwiczka ze śliwkōm (Polędwiczka ze śliwką)

Polyndwiczki wieprzowe lubia, bo sōm chude i delikatne. A jak sie do tego do¹ trocha śliwki, wyndzōnki² i narychtuje fajno zōłza³ ze śmiytōnkōm⁴, to… niy rōbcie sie na drugi dziyń badania na cholesterol 😉

Co potrza?

2 polyndwiczki

10-15 dkg wyndzōnki

125-150 śmiytōnki

2 gorście⁵ suszōnych śliwek

łeżka mōnki

szklōnka wody

pieprz

To je richtich⁶ ajnfachowe⁷ do narychtowania⁸. Pokrejcie⁹ wyndzōnka i przypiyczcie. Na inkszyj¹⁰ patelni mogecie prziypiyc pokrōne we szajby¹¹ polyndwiczki- dō nich dejcie¹² yno pieprzu, soli niy trza, bo przeca ta wyndzōnka mŏ jyj kans¹³.

Potyn do wyndzōnki dejcie śmiytōnka, wlyjcie łozmiyszanŏ¹⁴ we szklōnce zimnyj wody mōnka, dodejcie pokrōne śliwki i niech sie to chwila powarzi¹⁵. Na sōm kōniec dejcie ku tymu polyndwiczki, wymiyszejcie, chwila powŏrzcie i fertich. Zrōbcie sie tego wiyncyj, żeby stykło¹⁶ tyż na drugi dziyń 😉 Smacznego 🙂