Napranoł rodzynka we szokolodzie (Ajerkoniakowopodobny napitek)

Niyftore¹ bezuchy² to sie naprōm³, żebych im zrobiōł ajerkōniak, a że joł⁴ niy lubia robić cołki⁵ czas tego samego, to co chwila mi sie trefiōm⁶ jake eksperymynty. Szokolada ze rumowym arōmatym i rodzynkami je idealno do maszkycynio⁷ i żech sie pomyśloł, żeby z tych składnikōw narychtować wariacja na tymat ajerkōniaku. Wyjszło idealne.

Co potrza?

gorść rodzynek

2 szokolady (deserowe abo mlyczne, abo jedna takoł, a drugo inkszoł)

1 szklōnka biołego rumu

1 szklōnka gorzołki⁸

6 żōłtek

100 g masła

1/4 szklōnku cukru

Joł to robia we blynderze, bo wtedy je nojmani⁹ roboty, ale kebyjście takego niy mieli, to mogecie w jaki misce sie to zrobić mikserym- yno uważejcie, żebyjście przi tym niy zamarasiyli¹⁰ całyj kuchni. Wtedy, przi miyszaniu z gorzołkōm, nojlepi przikryć miska, we wtoryj miksujecie, jakōm uciyraczkōm¹¹. Prrr… zacznymy ôd¹² poczōntku:

Nojlepi dziyń naprzōd¹³ zalyjcie rodzynki rumym i gorzołkōm, żeby fajnie sie nōm to przegryzło. Na drugi dziyń wciepcie do blyndera żōłtka ze cukrym, masło i go na chwila włōnczcie. Potyn przidzie tam ôzpuszczōnoł¹⁴ we kōmpieli wodnyj szokolada (we jaki misce nad gorkym ze wrzōntkym) i rodzynki wymiszane ze rumym i gorzołkōm. Nojprzōd nalyjcie yno trocha tego sznapsa¹⁵ i włōnczcie blynder, żeby sie nōm to wymiyszało, a potyn przidzie reszta rumu i gorzołki. I to cało filozofijoł¹⁶. Wlyjcie to do jaki srogi¹⁷ krauzy¹⁸ i dejcie¹⁹ do lodōwki, a niyskorzi²⁰ już yno rozpusta… Smacznego 🙂