Harynki ze jabkym (Sałatka śledziowa z jabłkiem)

Harynki, choć niyftorzi¹ na nie gołdajōm² śledzie, sōm³ zdrowe i werciōło⁴ by sie je jejś⁵ niy yno⁶ skuli⁷ postu. Jo żech prziszoł na tyn recept⁸ bez cufal⁹ i musza pedzieć¹⁰, że jabka idealnie pasujōm¹¹ do śledzi, a jak do tego dodōmy¹² ździebko¹³ koperku i jogurtu, to sie już nōm robi przegryzka¹⁴ choby¹⁵ do jakego grołfa¹⁶.

Co potrza?

40-50 dkg harynek

3 jabka

trocha soku ze citrōłny¹⁷

1 cebula

2 łeżeczki cukru

1 łeżka ôctu¹⁸

łeżka pokrōnego¹⁹ koperku

3-4 łyżki jogurtu greckego

trocha pieprzu

Harynki żech kupiōł we ôleju- joł wie, żech je niyrołz²⁰ zgniōły²¹, ale jakby sie Wōm chciało, to mogecie i bez całoł noc moczyć solōne śledzie we wodzie abo mlyku. A jak już je bydziecie²² mieć wymoczōne, to mogecie sie brać dali za robota. Cebula pokrejcie we kostka , wciepcie²³ do jaki miski, posujcie²⁴ cukrym i kapnijcie na nia ôctu- za chwila puści sok i baje²⁵ miała całkym inakszy²⁶ smak. Jabka tyż pokrejcie we kostka, przeciepcie do miski i polyjcie sokym ze citrōłny, co by niy ôczorniały²⁷. Pokrajane na mańsze²⁸ kōnski²⁹ harynki niech sie przefurgnōm³⁰ do jabek, dołōżcie do tego ta cebula, kero fajnie puściōła sok, pieprz, jogurt, wymiyszejcie i fertich³¹. Take śledzie mogecie sie zjejś na ôbiołd³² ze kartołflōma³³ abo i podać na przegryzka na jakim fajerze³⁴. Smacznego 🙂