Pasta ze wyndzōnym pstrōngym (Pasta z wędzonym pstrągiem)

Jak żech łajziōł¹ po sklepie, to jakosik mi tyn wyndzōny pstrōng wskoczōł do koszyka, a potyn mie mynczōł,² jak leżoł we lodōwce, bo żech cały czołs³ niy wiedzioł co z niego narychtować⁴– ale niy bōjcie sie, niy zepsuł sie. Choć jak do czowieka mo⁵ prziś⁶ bezuch⁷, to zarozki do łeba mi sie cisnōm pomysły i tak żech prziszoł na ta pasta. Przegryzka z ni⁸ wyszła bardzo dobro, a to, że jedyn z naszych gości polecioł zarozki potyn do Chin, to przeca niy musi wcale znaczyć, że uciekoł przed mojim warzyniym… 😉

Co potrza?

125 g wyndzōnego pstrōnga (jak kupicie trocha wiynkszy kōnsek⁹, to tyż mogecie¹⁰ dać)

3 uwarzōne jajca

1 avokado (bez skōry i pestki)

2 małe kiszōne łogōrki¹¹

pó¹² małyj cebuli

2 łeżki majonezu

sōl i pieprz

Wszyske te składniki- yno pamiyntejcie, żeby łobrać te jajca, no chyba, że chcecie całoł pasta wyciepnōńć kurōm 😉 – mogecie wciepnōńć¹³ do blyndera abo do jaki maszyny, co to fajnie posieko i jōm włōnczyć. I sam już się nōm całoł filozofia tyj pasty kōńczy. Potyn doprołwcie to yno do smaku i z jakim dobrym chlebym na stōł… smacznego 🙂