Kryjmzupa ze cukinii (Zupa krem z cukinii)

Moja Muter je zakochanŏł we tyj zupie i bez tōż żech sie pomyśloł, że musi sie znojś i na Chopie. Niy bōłbych sobōm, kebych sam czego niy pozamiynioł, ale efekt… sami musicie sie jōm narychtować i ôboczycie¹ 😉

Co potrza?

jedna wiynkszŏ cukinia abo dwie mańsze²

2 marchwie

2 cebule

2 kartŏfle³

1 syrek topiōny

natka pietruszki i lubczyk

łeżka masła klarowanego

2-3 łeżki oliwy

sōl i pieprz

mogecie tyż na kōńcu dać trocha śmiytōnki

Oliwa i masło dejcie do gorka i na nich zeszklijcie pokrōnŏ⁴ cebula. Potyn dociepcie⁵ tam pokrōne na wiynksze kōnski⁶ kartŏfle, marchew i cukinia. Pŏra⁷ razy zamiyszejcie i dolyjcie⁸ do gorka wody, ale yno tela, żeby trocha przikryć te wszyjske warzywa. Dejcie tam soli, pieprzu i w całojści natka i lubczyk. Niech sie to terŏzki⁹ powarzi¹⁰ tak dugo, żeby kartŏfle bōły¹¹ miynke. Niyskorzi¹² wyciōngcie z gorka natka i lubczyk, a reszta zblyndujcie. Na talyrzu mogecie do tego dać trocha śmiytōnki i grzanki (idzie je narychtować na taglu¹³ ze pokrōnego starego chleba abo bōłek i ździebka¹⁴ masła). Smacznego 🙂