To je idealny deser na lato: prawie bez roboty, niy trza włōnczać1 bratruły2, do tego fetaminy3, błōnnik i te dobre bakterie ze jogurtu. Joł4 żech to robiōł ze fyrzichami (choć terozki na ślōnsku i tak wiyncyj ludzi pado5 na nie brzoskwinie) ze puszki, ale jak je sezōn, to mogecie sie wziōńć świyże, wciepnōńć na chwila do wrzōntku, ôbrać ôd nich skōra i fertich6.
Co potrza?
400 ml śmiytōnki7 krymōwki
800 ml jogurtu naturalnego
3 łeżki żelatyny
paket kyjksōw ze hawerflokōw8
biksa9 fyrzichōw
ze dwie łeżki pudecukru10
We 1/3 szklōnki uwarzōnyj11 wody ôzpuście12 żelatyna. Brzoskwinie pokrajejcie13 na mańsze14 kōnski15. Ubijcie śmiytōnka, potyn16 wmiyszejcie dō ni17 jogurt, dejcie18 pudecuker (jak lubicie słodke desery, to mogecie go dać trocha wiyncyj19) i ochōdzōnoł20 żelatyna. Narychtujcie21 jako wiynkszoł miska abo tortownica. Na spodek nalyjcie masy jogurtowyj, powciskejcie tam połra22 kyjksōw i wciepcie23 trocha fyrzichōw. Na to zajś24 trocha masy, fyrzichōw i kyjksōw. Tyj masy styknie Wōm może jeszcze na jedna warstwa, a potyn już yno czekanie, aż nōm to fajnie sie stynżeje i… smacznego 🙂
1ō- samogłoska w wymowie między o i u
2piekarnika
3witaminy
4ja
5powie
6gotowe
7śmietany
8paczka ciasteczek owsianych
9puszka
10cukru pudru
11ugotowanej
12ô= ło; rozpuśćcie
13pokrójcie
14mniejsze
15kawałki
16później
17niej
18dodajcie
19więcej
20ostudzoną
21przygotujcie
22kilka
23wrzućcie
24znów
Dodaj komentarz