Kiszōne ôgōrki (Ogórki kiszone)




Sōm1 ludzie, kere2 niy kiszōm w dōma ôgōrkōw. A joł3 ich zapytōm, czy ôni richtich4 niy czujōm we smaku rōżnicy miyndzy kupnymi, a takimi, kere sie ukiszōm w dōma? Ta robota je barzi5 ajnfachowo6, jak budowa cepa: wciepujesz ôgōrki do krauzy7, dołwosz8 3 inksze9 składniki, zalywosz wodōm ze solōm i za połra10 dni już mogesz sie maszkycić11 małosolne.

Co potrza?

ôgōrki gruntowe- niy byda sam pisoł wiela ich mołcie12 wziōńć, bo nie wia, wiela ich zjycie, ale za mani13 niż 1 kg sie niy werci14 chytać; nojlepsze sōm te małe

czosnek- potrzebujecie go tak ze 2-3 zōmbki na krauza

korzyń krzōnu15– na jedna krauza potrza go yno mału kōnsek

łodyga kopru- do jednyj krauzy styknie 1 srogoł16, ale mogecie i wciś 3 mańsze

sōl- nojlepi kamiynnoł, a niy tako biołoł ze składnikami, kere zapobiegajōm zbrylaniu

Krauzy mogecie wziōńć litrowe, ale jak je Wołs17 we chałpie18 mani, to idzie i narychtować19 mańsze. Ôgōrki przed kiszyniym nojlepi na połra godzin zamoczyć we zimnyj wodzie. Potyn wciście je do krauzy, ale niy do samego wiyrchu. Wciepcie tam czosnek, kōnsek krzōnu i na samoł gōra pozginany koper. Terozki trza to zalołć wrzōncōm wodōm ze solōm- na 1 liter wody łeżka soli. Wiela narychtować wody? Na litrowoł krauza przidzie ji tak ze pó litra. Nalyjcie wody do krauzy, ale 1 cm ôd wiyrchu ôstołcie pusty, bo jak sie te ôgōrki zacznōm kisić, to wycisnōm ze krauzy tyn nadmiar wody. Zakryńćcie- niy ôpołrzcie20 sie- i przewrōćcie ta krauza na jaki desce do gōry dnym. Za połra godzin mogecie jōm postawić nakryntkōm do wiyrchu we ciymniyjszym miejscu, ale dejcie pozōr21, bo przi kiszyniu moge ze tych krauzōw wylecieć trocha wody. Nojlepi je postawić na jaki gazecie. A za połra dni mołcie małosolne, a reszta sie ôstołwcie22 na zima. Smacznego 🙂

1ō- samogłoska w wymowie między o i u; są

2którzy

3ja

4naprawdę

5bardziej

6prosta

7słoika

8dasz

9inne

10kilka

11rozkoszować

12macie

13mniej

14opłaca

15chrzanu

16duża

17Was

18domu

19przygotować

20oparzcie

21uważajcie

22zostawcie




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*